Aðalsteinn Leifsson, varaþingmaður Viðreisnar, hefur látið af störfum sem aðstoðarmaður utanríkisráðherra eftir viðburðaríkt ár í utanríkisráðuneytinu.

Að sögn Aðalsteins er ástæðan persónuleg. Hann hyggst gefa sér aukið svigrúm til guðfræðináms við Háskóla Íslands og stefnir að því að ljúka embættisprófi. Samhliða náminu ætlar hann að sinna ráðgjöf í samningaviðræðum og lausn deilumála og kenna samningatækni og sáttamiðlun.

Í tilkynningu sem hann birtir á Facebook þakkar hann samstarfið við Þorgerði Katrínu Gunnarsdóttir utanríkisráðherra og segir það hafa verið traustsyfirlýsingu að fá að leiða vinnu við mótun fyrstu formlegu stefnu Íslands í varnar- og öryggismálum sem formaður samráðshóps þingmanna. Hann muni fylgja þeirri vinnu eftir sem varaþingmaður, að beiðni ráðherra, þrátt fyrir að hverfa úr ráðuneytinu.

Ákvörðunin kemur skömmu eftir að hann beið lægri hlut fyrir Björgu Magnúsdóttur í baráttu um að leiða lista Viðreisnar fyrir komandi borgarstjórnarkosningar í Reykjavík. Aðalsteinn varð í öðru sæti í prófkjörinu en niðurstaðan var einungis bindandi …