Hafnarfjarðarbær hefur þrisvar sinnum á kjörtímabilinu greitt bætur vegna starfsmannamála. Þá hafa verið gerðir 16 starfslokasamningar sem ná umfram þriggja mánaða uppsagnarfrests.

Þetta kemur fram í minnisblaði mannauðsstjóra Hafnarfjarðarbæjar til bæjarráðs sem lagt var fram á fundi þess í gær. Tilefnið var fyrirspurn bæjarfulltrúa Samfylkingarinnar þar sem óskað var sundurliðunar á sérsamningum um greiðslu bóta vegna starfsmannamála, starfslokasamningum og sérstökum samningum umfram umsamin starfskjör við starfslok.

Í minnisblaðinu kemur fram að sáttargreiðsla hafi verið greidd í janúar í kjölfar álits Umboðsmanns Alþingis. Upphæð sáttargreiðslunnar er trúnaðarmál samkvæmt samningnum.

Þar getur aðeins verið um að ræða eitt álit Umboðsmanns Alþingis sem tengist Hafnarfjarðarbæ á undanförnum árum. Umboðsmaður komst að því í desember að málsmeðferð Hafnarfjarðarbæjar hafi ekki verið í samræmi við stjórnsýslulög þegar skólastjóri Hraunvallastjóra féll frá ráðningu umsækjandans Óskars Steins Ómarssonar í starf deildarstjóra tómstundamiðstöðvar skólans þremur vikum eftir …