„Það er hlutverk siðanefndar að fá fram gögn um málsatvik og úrskurða um hvort tiltekin háttsemi gangi á svig við siðareglur. Athugun siðanefndar getur ekki ein og sér talist aðför að fræðimannsheiðri,“ segir í úrskurðum siðanefndar Háskólans á Bifröst í máli Hönnu Kristínar Skaftadóttur annars vegar og Ragnars Más Vilhjálmssonar og Haraldar Daða Ragnarssonar hins vegar.

Eins og fjallað hefur verið um var úrskurðað svo að umræddir fræðimenn hefðu ekki gerst brotlegir við siðareglur skólans. Kæran og deilur í kringum hana innan Háskólans á Bifröst hafa verið í hámælum undanfarna daga. 

Sagði kæruna tilraun til faglegrar aftöku

„Þetta mál er grafalvarleg aðför að heiðri mínum sem fræðimanns og mál sem í raun má líkja við tilraun til faglegrar aftöku,“ skrifaði Hanna Kristín á Facebook-síðu sína um málið í janúar. 

„Spurningar um hvort meintir höfundar séu að ósekju að eigna sér vinnu annarra eða hvort vitsmunalegt framlag fræðimanns sé ekki viðurkennt …