Ekki er lengur sér­stök deild sem sinnir frétta­þjón­ustu á mbl.is, vef Morg­un­blaðs­ins, heldur hafa allar þrjár frétta­deildir Morg­un­blaðs­ins verið sam­ein­aðar í eina. Þar með fellur niður form­leg skipt­ing milli blaða­manna sem skrifa fyrst og fremst fyrir vef­inn ann­ars vegar og prent­aða Morg­un­blaðið hins vegar.

Þetta kemur fram í til­kynn­ingu frá Morg­un­blað­inu þar sem greint er frá skipu­lags­breyt­ingum á rit­stjórn blaðs­ins og vefs­ins. Samhliða sam­ein­ingu almennra frétta­deilda hefur sér­stök við­skipta­deild einnig verið lögð niður og sam­einuð hinu nýja fyr­ir­komu­lagi.

Yfir sam­einaðri frétta­deild er nú aðal­frétta­stjóri, Matthías Johann­es­sen, sem áður stýrði við­skipta­deild Morg­un­blaðs­ins.

Í til­kynn­ing­unni segir að mark­mið breyt­ing­anna sé að efla sam­spil vefs og prentút­gáfu og tryggja áskrif­endum og les­endum öfl­ugri og skil­virk­ari frétta­þjón­ustu. Breytt umhverfi upp­lýs­inga og fjöl­miðl­unar kalli á auk­inn hraða, aukið sam­starf milli miðla og skil­virk­ari frétta­vinnslu.

Í kjöl­far breyt­ing­anna hættir viku­leg útgáfa Við­skipta­Mogg­ans. Á móti verður við­skipta­síðum í aðal­blaði Morg­un­blaðs­ins fjölgað og áhersla aukin á við­skiptaum­fjöllun á …