Tál er 29. bókin sem Arnaldur Ind­riða­son gefur út á 29 árum. Geri aðrir betur. Bækurnar hans hafa selst í bíl­förmum úti um allan heim og Arnaldur verið stjarnan á toppi íslenska jóla­bóka­flóðs­ins frá því fyrstu bæk­urnar um Erlend og félaga komu út. Það er erfitt að halda uppi gæðum þegar afköstin eru svona mikil – en jafn­vel miðl­ungs­bók eftir Arnald er skárri en flestir aðrir íslenskir krimmar.

Lygar, spill­ing, und­ir­ferli, svik og skeyt­ing­ar­leysi gagn­vart lít­il­magn­anum eru þræð­irnir sem Arnaldur er að spinna í Táli. Aðal­per­sónan er Konráð, fyrr­ver­andi lögga, sem er enn vel tengdur und­ir­heimum Reykja­víkur. Sagan hefst á því að hér­aðs­dóm­ari er hand­tek­inn fyrir morð á konu sem starfar við fylgd­ar­þjón­ustu. Málið, sem lítur út fyrir að vera nokkuð klippt og skorið í upp­hafi, en á eftir að taka marga óvænta snún­inga.

Litlaus karekter

Konráð er dreg­inn inn í þetta dul­ar­fulla morð þegar eig­in­kona hér­aðs­dóm­ar­ans, …