Hlaðan: Þankar til framtíðar eftir Bergsvein Birgisson markar nokkur tímamót fyrir lesendur hans. Bókin er það sem mætti kalla skáldleysu og fjallar í grunninn um þanka heimspekings, húmanista og sveitamanns á meðan hann reisir hlöðu norður á Ströndum. Sá dularfulli staður á sérstakan stað í hjarta Íslendinga og hefur verið kveikja að stórkostlegum bókum. Nægir þar að nefna Þar sem vegurinn endar eftir Hrafn Jökulsson heitinn, en ekki síst fræðiskáldarit (?) eftir Bergsvein sjálfan, hina stórfróðlegu bók um Svarta víkinginn. Hlaðan er kærkomið tækifæri til þess að kynnast höfundi, sem er ekki bara sprenglærður í sínum fræðum heldur innblásinn bæði af þjóðsögum og landinu sjálf: „Ég er orðinn villtur andi og og mig langar að skrifa þér bréf,“ segir Bergsveinn í upphafi bókar og slær þar tóninn. Að þessu leyti má segja að bókin sé einstök í höfundarverki Bergsveins sem hefur fyrir löngu heillað þjóð sína með bókum eins og …