Viðskipti

Ríkisfyrirtæki hafa greitt hagsmunasamtökum tvo milljarða síðan 2015

Lands­bank­inn og Lands­virkj­un hafa stað­ið und­ir stærst­um hluta að­ild­ar­gjalda rík­is­fyr­ir­tækja í hinum ýmsu hags­muna­sam­tök­um. Betri sam­göng­ur eiga að­ild að Við­skipta­ráði og Neyð­ar­lín­an að Sam­tök­um at­vinnu­lífs­ins.

Ríkisfyrirtæki hafa greitt hagsmunasamtökum tvo milljarða síðan 2015
Mynd: Samtök atvinnulífsins
Birtist fyrir rúmum 4 mánuðum.

Íslensk ríkisfyrirtæki og -stofnanir hafa á síðustu tíu árum greitt tvo milljarða til hagsmunasamtaka á borð við Samtök atvinnulífsins og Viðskiptaráð Íslands. Landsbankinn og Landsvirkjun greiða lang mest.

Greiðslur ríkisaðila til samtakanna hafa vaxið úr 111 milljónum króna árið 2015 í 245 milljónir í ár, en aldrei hafa hærri gjöld verið greidd til slíkra samtaka og á yfirstandandi ári. 

Þetta kemur fram í svari Daða Más Kristóferssonar, fjármála- og efnahagsráðherra, við fyrirspurn Kristjáns Þórðar Snæbjarnarsonar, þingmanns Samfylkingar og fyrrverandi forseta Alþýðusambands Íslands. 

Upplýsingarnar í svari Daða Más taka til ríkisfyrirtækja og -stofnana sem greitt hafa til Viðskiptaráðs Íslands og Samtaka atvinnulífsins og aðildarsamtaka þeirra. Það eru Samtök verslunar og þjónustu, Samtök iðnaðarins, Samorka, Samtök ferðaþjónustunnar og Samtök fjármálafyrirtækja. 

Svo virðist sem svarið nái aðeins til þeirra fyrirtækja sem eru í eigu ríkisins í dag, en á tímabilinu sem svarið tekur til átti ríkið kjölfestuhlut í Íslandsbanka, sem er aðili að þeim samtökum sem um ræðir. Má ljóst vera að fjárhæðirnar séu því í raun enn hærri en fram kemur.

Heildargreiðslur fyrirtækjanna sem um ræðir:

  • Landsbankinn: 802.039 milljónir
  • Landsvirkjun: 451.909 milljónir
  • Isavia: 250.003 milljónir
  • RARIK: 208.735 milljónir
  • Landsnet: 165.976 milljónir
  • Íslandspóstur: 78.378 milljónir
  • Matís: 26.346 milljónir
  • Harpa ohf.: 23.603 milljónir
  • Neyðarlínan: 11.778 milljónir
  • Orkubúið: 11.264 milljónir
  • Farice: 7.331 milljónir
  • Betri samgöngur: 1.195 milljónir

Landsbankinn greiðir einn til Samtaka fjármálafyrirtækja og fyrirtækin Landsvirkjun, RARIK, Landsnet, og Orkubúið greiða til Samorku, sem eru samtök orkufyrirtækja. Isavia, sem rekur flugvelli landsins, greiðir líka til samtakanna samkvæmt svarinu. 

Samtök atvinnulífsins og undirfélög þess fara gjarnan með samningsumboð fyrirtækja í kjaraviðræðum við launafólk, auk þess að gæta hagsmuna fyrirtækja gagnvart stjórnvöldum. 

Betri samgöngur, Farice, Íslandspóstur, Landsbankinn, Landsnet, Landsvirkjun, og  RARIK eru félagar í Viðskiptaráði Íslands, og greiða félagsgjöld til samtakanna. 

Viðskiptaráð fer ekki með samningsumboð og er sameiginlegur vettvangur íslensks viðskiptalífs. „Alla þá tíð hefur tilgangur þess verið sá sami, að vinna að sameiginlegum hagsmunamálum atvinnulífs, óháð atvinnugreinum eða stærð fyrirtækja, og að efla frjálsa verslun og framtak,“ segir um samtökin á vefsíðu þess.

Kjósa
6
Hvernig finnst þér þessi grein? Skráðu þig inn til að kjósa.

Athugasemdir (1)

Skráðu þig inn til að skrifa athugasemd eða kjósa.
  • Sigmundur Gretarsson skrifaði
    3. desember 2025 13:02
    Það vantar greislur Vínbúðarinar ( ÁTVR ) , RÚV og fleirri. Það er enginn þörf á að ríkisfyrirtæki séu í SA, samningarnefnd ríkisins getur séð um samninga fyrir þau.
    0
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

„Fólk er hrætt”
1
Viðtal

„Fólk er hrætt”

„Ef þú býrð í landi þar sem ver­ið er að fylgj­ast með þér, þá er það veru­leiki sem þú þarft að díla við,” seg­ir Magnús Þorkell Bern­harðs­son, Mið-Aust­ur­landa­fræð­ing­ur við Williams Col­l­e­ge í Banda­ríkj­un­um og gesta­pró­fess­or við guð­fræði- og trú­ar­bragða­fræði­deild HÍ – sem ný­ver­ið flutti hér á landi fyr­ir­lestra, ann­an um Ír­an og eld­fimt ástand vegna inn­rás­ar þar, hinn um að­þrengt aka­demískt frelsi í Banda­ríkj­un­um.

Mest lesið

Mest lesið í vikunni

„Það hentar þeim ekki að almenningur í landinu vakni“
2
Viðtal

„Það hent­ar þeim ekki að al­menn­ing­ur í land­inu vakni“

Þor­gerð­ur Katrín Gunn­ars­dótt­ir ut­an­rík­is­ráð­herra seg­ir Sjálf­stæð­is­flokk og Mið­flokk beita áróðri gegn Evr­ópu­sam­bands­að­ild sem komi beint úr hand­bók Nig­el Fara­ge. Segi þjóð­in „já“ geti Ís­land orð­ið að­ild­ar­ríki í árs­lok 2028 en ef „nei“ verð­ur svar­ið komi það til kasta Al­þing­is að draga um­sókn­ina frá 2009 til baka.

Mest lesið í mánuðinum

Greiddu fyrrverandi oddvita 7 milljónir eftir að Framsókn fékk bæjarstjórastólinn
5
Stjórnmál

Greiddu fyrr­ver­andi odd­vita 7 millj­ón­ir eft­ir að Fram­sókn fékk bæj­ar­stjóra­stól­inn

Ný­stofn­að fé­lag Ág­ústs Bjarna Garð­ars­son­ar, fyrr­ver­andi odd­vita Fram­sókn­ar­flokks­ins í Hafnar­firði, fékk greiðsl­ur fyr­ir ráð­gjafa­störf eft­ir að flokks­bróð­ir hans, Valdi­mar Víð­is­son, tók við sem bæj­ar­stjóri. Ráð­gjafa­störf fyrr­um bæj­ar­stjóra Mos­fells­bæj­ar, Har­ald­ur Sverris­son, hóf­ust í tíð Rósu Guð­bjarts­dótt­ur, flokks­syst­ur hans.
Frjálshyggjumenn úr viðskiptalífinu gefa „þekktum hugsuðum“ sviðið
6
Innlent

Frjáls­hyggju­menn úr við­skipta­líf­inu gefa „þekkt­um hugs­uð­um“ svið­ið

Stjórn­end­ur Reykja­vík Fin­tech og Bæj­ar­ins Beztu Pyls­ur hafa stofn­að við­burða­fyr­ir­tæki eft­ir að hafa hald­ið fyr­ir­lestra með Jor­d­an Peter­son. Fyrstu við­burð­irn­ir eru með Frosta Sig­ur­jóns­syni um lofts­lags­mál og Bjórkast­inu, hlað­varpi þar sem stjórn­end­ur kenna sig við öfga­hægri og „kyn­þátt­ar­aun­sæi“.

Mest lesið í mánuðinum

Nýtt efni

„Fólk er hrætt”
Viðtal

„Fólk er hrætt”

„Ef þú býrð í landi þar sem ver­ið er að fylgj­ast með þér, þá er það veru­leiki sem þú þarft að díla við,” seg­ir Magnús Þorkell Bern­harðs­son, Mið-Aust­ur­landa­fræð­ing­ur við Williams Col­l­e­ge í Banda­ríkj­un­um og gesta­pró­fess­or við guð­fræði- og trú­ar­bragða­fræði­deild HÍ – sem ný­ver­ið flutti hér á landi fyr­ir­lestra, ann­an um Ír­an og eld­fimt ástand vegna inn­rás­ar þar, hinn um að­þrengt aka­demískt frelsi í Banda­ríkj­un­um.
Tæknifrjóvgar býflugur fyrir austan
Viðtal

Tækni­frjóvg­ar bý­flug­ur fyr­ir aust­an

Sæ­unn Vig­dís Sig­valda­dótt­ir tækni­frjóvg­ar bý­flug­ur aust­ur í Hall­ormstaða­skógi. Hún fór til Banda­ríkj­anna síð­ast­lið­ið sum­ar til að læra að gera slíkt og gekk nám­ið það vel að henni var boð­ið starf við það í kjöl­far­ið vest­an­hafs. Hún þáði þó ekki þá vinnu að sinni, held­ur vill ein­beita sér að því að styrkja ís­lenska bý­flugna­stofn­inn sem hún seg­ir að sé mjög ólík­ur öðr­um stofn­um.

Mest lesið undanfarið ár