Þingfundi var ítrekað frestað í gærkvöldi vegna funda þingflokksformanna sem reyndu að ná samkomulagi um þinglok, en án árangurs. Þingfundur stóð yfir til klukkan hálf fimm í nótt og hefst að nýju klukkan tíu. 

Fyrst á dagskrá voru minningarorð um Magnús Þór Hafsteinsson, fyrrverandi þingmann, sem lést þegar strandveiðibátur hans sökk út af Patreksfirði í fyrradag. Eftir það var haldið áfram með umræðu um veiðigjaldafrumvarpið. 

Umræðan um það er þegar orðin sú lengsta á Alþingi, síðan þingið varð ein málstofa; aðeins umræður um Icesave og þriðja orkupakkann hafa staðið lengur en umræðan um veiðigjaldafrumvarpið. 

Milli klukkan níu og tíu var hins vegar fundur stjórnskipunar- og eftirlitsnefndar þar sem kynnt var skýrsla Ríkisendurskoðunar um mönnun og flæði sjúklinga á Landspítalanum, en hún verður birt opinberlega síðar í dag.