Varðberg, Norðurslóðanet Íslands, Háskólinn á Akureyri og Stofnun Vilhjálms Stefánssonar efna til opins fundar í dag um Norðurslóðir í breyttum heimi.
Sjónum verður beint að áhrifum stóraukinnar alþjóðlegrar togstreitu á málefni Norðurslóða, einkum með tilliti til örra loftslagsbreytinga, aukins hernaðarlegs mikilvægis svæðisins og hagsmuna Íslands.
Ríki sem eiga hagsmuna að gæta á Norðurslóðum þurfa bæði að fylgjast vel með og vera reiðubúin að bregðast við örum vendingum á svæðinu. Á meðan hnattræn hlýnun ógnar umhverfi og samfélögum – og opnar skipaleiðir – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega.
Fundurinn er haldinn í Háskólanum á Akureyri og stendur yfir frá klukkan 15 til 17. Hér er hægt að fylgjast með fundinum í beinu streymi.
Dagskrá fundarsins er eftirfarandi:
Upphafsorð: Davíð Stefánsson, formaður Varðberg.
Fundarstjórn: Friðrik Þórsson, verkefnastjóri Norðurslóðanets Íslands (IACN).
Ávörp: Þorgerður Katrín Gunnarsdóttir, utanríkisráðherra.
Dr. Áslaug Ásgeirsdóttir, rektor Háskólans á Akureyri.
Dr. Davíð Þór Björgvinsson, prófessor við Lagadeild Háskólans á Akureyri.
Dr. Ólína Kjerúlf Þorvarðardóttir, prófessor Háskólinn á Bifröst.
Dr. Rachael Lorna Johnstone við Lagadeild Háskólans á Akureyri og við Ilisimatusarfik (Háskólinn á Grænlandi).
Soffía Guðmundsdóttir, framkvæmdastjóri Vinnuhóps Norðurskautaráðsins um verndun hafsins (PAME)
Bergdís Ellertsdóttir, sendiherra norðurslóðamála utanríkisráðuneytisins.
Lokaorð: Dr. Áslaug Ásgeirsdóttir, rektor Háskólans á Akureyri.
Athugasemdir