Fangelsisdómur yfir burðardýri og fylgdarmanni - Hvorugur með sakaferil

HHér­aðs­dómur Reykja­ness hefur dæmt Alexios Charavgias og Rafail Bazionis í fang­elsi í tvö ár og fjóra mán­uði hvorn, fyrir að hafa flutt til lands­ins tæp­lega tvö kíló af kóka­íni í nóv­em­ber í fyrra. Í dómnum er tekið fram að ekki sé vitað til þess að þeir eigi saka­feril að baki.

Rafail kom til Íslands frá Frank­furt með ferða­tösku sem inni­hélt 1.936 grömm af kóka­íni sem var falið í fölskum botni tösk­unnar. Toll­verðir fundu efnið við kom­una á Kefla­vík­ur­flug­völl. Í kjöl­farið var Alexios hand­tek­inn, en þeir höfðu ferð­ast saman. Þeir hafa setið í gæslu­varð­haldi frá des­em­ber 2024 og dregst sá tími frá dómnum.

Rafail ját­aði að hafa flutt fíkni­efnin inn en hélt því fram að Alexios hefði ekk­ert vitað um brotið. Alexios kvaðst ein­göngu hafa verið í fríi og neit­aði allri sök. Dómurinn féllst ekki á þá skýr­ingu. Í dómi segir að „hafið sé yfir skyn­sam­legan vafa“ að Alexios hafi „átt í miklum sam­skiptum við skipu­leggj­anda inn­flutn­ings­ins“ og að hann hafi „með aðstoð og leið­sögn stýrt ferða­lagi með­á­kærða Rafail, meðal ann­ars með fyr­ir­mælum í gegnum síma“.

Þar er vísað til ein­stak­lings sem dóm­ur­inn kallar „A“, sem tal­inn er skipu­leggj­andi brots­ins og hafði veru­leg sam­skipti við báða menn­ina, einkum Alexios. Síma­sam­skipti Alexios við „A“ náðu yfir rúman mánuð fram að degi inn­flutn­ings­ins, og meðal gagna í síma hans voru myndir af skil­ríkjum beggja ákærðu, flug­miðum og mynd­bönd af Rafail með ferða­tösk­una sem kóka­ínið fannst í. Einnig fund­ust fyr­ir­mæli frá „A“ til Rafail, send í gegnum for­rit sem tengd­ist síma­núm­erum og not­anda sem rak­inn var til Alexios.

Í dómnum kemur fram að Rafail hafi verið í hlut­verki burð­ar­dýrs, en að Alexios hafi verið tengiliður við skipu­leggj­and­ann og gegnt lyk­il­hlut­verki í fram­kvæmd brots­ins. „Þykir ljóst að við fram­kvæmd inn­flutn­ings­ins hafi ákærði Rafail notið fylgdar og leið­sagnar ákærða Alexios, á sama tíma og Alexios átti í miklum sam­skiptum við skipu­leggj­anda.“

Báðir voru þeir sak­felldir fyrir stór­fellt fíkni­efna­laga­brot. Dómurinn tók fram að þeir nytu engra máls­bóta og að um veru­legt magn fíkni­efna væri að ræða, ætlað til sölu í ágóða­skyni. Hvor um sig var dæmdur í tveggja ára og fjög­urra mán­aða fang­elsi. Þá var þeim gert að greiða allan sak­ar­kostnað.