Ég held að það sjái flestir í hendi sér að það er fárán­legt að þú ætlir að rukka verð sem þú þorir síðan ekki að fólk heyri af. Ef þú stendur við verðið þegar þú ert að rukka – þá er skrítið að þú standir ekki við það opin­ber­lega.“

Benjamín Juliansegir Mela­búð­ina and­snúna því að fólk viti verð­lag versl­un­ar­innar.

Mynd: Aðsend

Þetta segir Benjamín Julian, verk­efna­stjóri verð­lags­eft­ir­lits ASÍ, í sam­tali við Heim­ild­ina. Í vik­unni var fjallað um að Mela­búðin hefði sett sig upp á móti verð­töku á vegum ASÍ í búð­inni.

„Við erum að skoða verð á mjög breiðum grunni og svo birtum við grein­ingar úr því. Sem liður í því höfum við verið að kíkja inn í fleiri búðir á mat­vöru­mark­aði, til dæmis Mela­búð­ina. Það ger­ist síðan um dag­inn að verð­töku­mann­inum okkar þar var sagt að hætta,“ útskýrir Benjamín.

Aðspurður segir hann að slík afstaða ein­skorð­ist ekki við Mela­búð­ina en að það sé sjald­gæft að verð­taka sé ekki leyfð. Þetta við­mót hafi þó mætt ASÍ áður í þess­ari til­teknu búð. „Þau vilja ekki að fólk viti verð­lag versl­un­ar­innar áður en það kemur til þeirra.“

Benjamín bendir á að eng­inn myndi ganga blind­andi um búð og kaupa vörur. „Þú myndir alltaf vilja vita hvað þú ert að kaupa og á hvaða verði, það er hluti af því að vita áður en þú ferð að versla hvar versl­an­irnar standa.“

Mela­búðin hefur svarað ASÍ og sagt óskilj­an­legt að hnýtt sé í litla hverf­is­verslun sem geri út á gæði og þjón­ustu, í stað þess að beina spjótum að stærri aðilum á mat­vöru­mark­aði. 

„Ég kommenta svo sem ekk­ert á gæðin, það er eitt­hvað sem hver fyrir sig verður að meta. En úrvalið skar­ast að næstum öllu leyti við aðrar versl­anir þegar það kemur að strik­a­merkja­vörum. Það truflar mig ekk­ert á hvaða grunni fólk fer út að versla, ég vil bara að þau viti hvað þau eru að fara að borga áður en þau labba af stað,“ segir Benjamín. 

„Við erum hérna til þess að upp­lýsa fólk um hvað það er að koma sér í með því að fara í mis­mun­andi versl­anir og það truflar okkur nátt­úr­lega þegar það er verið að gera okkur það erfitt.“

Benjamín segir að lokum að sér finn­ist afstaða Mela­búð­ar­innar und­ar­leg. „Mér finnst þetta dap­ur­legt og smá skrítið. Mér finnst ekk­ert gaman að frétt­irnar okkar snú­ist um þetta. Ég vil bara að við getum gefið heið­ar­legar og góðar fréttir um það hvernig verð­lag er á Íslandi, sem er okkar hlut­verk og vinna. Ég hef engan áhuga á því að lenda í ein­hverju orða­skaki við versl­un­ar­eig­endur út af ein­hverju svona.“