Þessi grein birtist fyrir rúmlega 4 mánuðum.

Fjórir flokkar mættu ekki á fund bíllausra

Fram­sókn­ar­flokk­ur­inn, Mið­flokk­ur­inn, Flokk­ur fólks­ins og Lýð­ræð­is­flokk­ur­inn sendu eng­an full­trúa á op­inn kosn­inga­fund Sam­taka um bíl­laus­an lífs­stíl sem fram fór í mið­borg­inni á mið­viku­dag.

Fjórir flokkar mættu ekki á fund bíllausra
Fundur Nokkrir auðir stólar voru á sviðinu á kosningafundi Samtaka um bíllausan lífsstíl sem fram fór á miðvikudag. Mynd: Skjáskot

Samtök um bíllausan lífsstíl héldu opinn kosningafund á Loft Hostel í Reykjavík síðdegis á miðvikudag, þar sem fulltrúum allra flokka sem bjóða fram á landsvísu var boðið að senda fulltrúa til að svara spurningum fundargesta um málefni á borð við bættar almenningsamgöngur, aðstæður fyrir virka ferðamáta og fleira.

Sex flokkar sendu fulltrúa á fundinn, en Framsóknarflokkurinn, Flokkur fólksins Miðflokkurinn og Lýðræðisflokkurinn gerðu það ekki.

„Það verða nokkrir háðungarstólar hér, þeim til háðungar sem ekki sendu fulltrúa,“ sagði sjónvarpsmaðurinn Gísli Marteinn Baldursson, sem stýrði umræðum á fundinum.

Stjórnmálamennirnir sem voru til svara á fundinum voru þau Pawel Bartoszek frá Viðreisn, Rósa Björk Brynjólfsdóttir frá VG, Dóra Björt Guðjónsdóttir frá Pírötum, Dagur B. Eggertsson frá Samfylkingu, Sigurður Örn Hilmarsson frá Sjálfstæðisflokki og Davíð Þór Jónsson frá Sósíalistaflokknum. 

Búi Bjarmar Aðalsteinsson, einn þeirra sem stóðu fyrir fundinum, segir við Heimildina að hann kunni ekki skýringar á því af hverju flokkarnir sem ekki mættu hafi ekki sent fulltrúa. Allir flokkar hafi þó sannarlega fengið boð um að sitja fundinn.

Búi segir að þvert yfir línuna hafi upplifun hans af samtalinu með stjórnmálafólkinu verið sú að flokkarnir væru ekki með miklar pælingar eða skýra stefnu um virka ferðamáta, fyrir utan það sem snýr að almenningssamgöngum.

Svör stjórnmálamannanna voru að hans sögn með þeim hætti að þau virtust búin til á staðnum, frekar en að þau endurspegluðu einhverja raunverulegar stefnu flokkanna. En það er einmitt tilgangur svona fundar, segir Búi Bjarmar, að setja þessi mál á dagskrá og fá stjórnmálaflokka til að hugsa um þau. 

Fréttin hefur verið uppfærð. Áður sagði að þrír flokkar hefðu ekki sent fulltrúa á fundinn en hið rétta er að fjórir flokkar gerðu það ekki. Flokkur fólksins gleymdist í fyrstu útgáfu fréttarinnar sem birtist í prentútgáfu blaðsins föstudaginn 22. nóvember. 

Kjósa
30
Hvernig finnst þér þessi grein? Skráðu þig inn til að kjósa.

Athugasemdir (1)

Skráðu þig inn til að skrifa athugasemd eða kjósa.
  • SGIG
    Sigurlaug Guðrún I Gísladóttir skrifaði
    Skil þau vel ;) Ég hefði heldur ekki mætt. Er alfarið á móti bíllausum lífstíl.
    -3
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Alþingiskosningar 2024

Mest lesið

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.

Mest lesið í mánuðinum

Nýtt efni

Mest lesið undanfarið ár