Skáld­konan Kristín Ómars­dóttir heldur hér áfram með skáld­aða sögu langömmu sinnar, Oddnýjar Þorleifs- og Þur­íð­ar­dóttur, en fyrir fyrstu bók­ina hlaut hún Fjöru­verð­launin fyrr á þessu ári. Fyrsta bókin bar nafnið Móðurást: Oddný en sú nýja kall­ast Móðurást: Draum­þing, enda hverf­ist skáldsagan að miklu leyti um merki­lega kvenna­sam­komu á sum­ar­sól­stöðum. Sögu­heimur Krist­ínar hefur ávallt komið á óvart, hvort sem um er að ræða skáld­sögur, ljóð, leik­verk hennar eða mynd­list. Í bóka­flokknum um Oddnýju horfir hún til for­tíðar í gegnum allt ann­ars konar linsu en við erum vön.

Þrátt fyrir að hafa greini­lega lagst í umfangs­mikla rann­sókn­ar­vinnu er hún óhrædd við að fara á skáld­legt flug og hrífa les­and­ann með sér.
Oddný Þorleifs- og Þur­íð­ar­dóttir, fædd 1863, elst upp í Bræðra­tungu í
Bisk­ups­tungum og þegar hér er komið sögu er stúlkan á ung­lings­aldri. Líkt og móð­ur­nafnið gefur til kynna eru konur, fjöl­skyldu­tengsl þeirra og sam­skipti sett í önd­vegi í bók­unum. Í fyrstu …