Fréttir Pressa

Hvað greinir að Sósíalistaflokkinn og Vinstri græn?

Rósa Björk Brynj­ólfs­dótt­ir, fram­bjóð­andi Vinstri grænna, og Gunn­ar Smári Eg­ils­son, odd­viti Sósí­al­ista­flokks­ins, ræddu um ólík­ar stefn­ur flokka sinna í nýj­asta þætti Pressu. Ræddu þau með­al ann­ars um áhersl­ur flokk­anna á femín­isma og um­hverf­is­mál.

Pressa Rósa Björk Brynjólfsdóttir, frambjóðandi Vinstri grænna, og Gunnar Smári Egilsson, oddviti Sósíalistaflokksins, voru gestir Aðalsteins Kjartanssonar í Pressu í dag.
Birtist fyrir ári.

 „Það var vilji til að taka upp þennan kyndil og byggja upp sósíalískan flokk sem legði ekki bara áherslu á framboð til borgaralegra stjórnmála eins og þings og sveitarstjórna heldur tæki þátt í endurreisn verkalýðshreyfingarinnar sem baráttutækis alþýðunnar.“

Þetta segir Gunnar Smári Egilsson, oddviti Sósíalista í Reykjavík norður, spurður hvað greindi flokk hans frá Vinstri grænum. Hann var viðmælandi Aðalsteins Kjartanssonar í nýjasta þætti Pressu í hádeginu ásamt Rósu Björk Brynj­ólfs­dótt­ur, sem skipar 2. sætið á lista Vinstri grænna í sama kjördæmi og hann. 

Vinstri græn hafi yfirgefið verkalýðshreyfinguna

Gunnar Smári segir að með stofnun Sósíalistaflokksins hefði kyndill róttækrar verkalýðsbaráttu verið tekinn upp á ný, en Vinstri hreyfingin grænt framboð hefði að einhverju leyti lagt hann frá sér. Hann segir áherslur flokkanna tveggja mjög ólíkar. „Það er veigamikill munur út frá taktík, hvernig þú lítur á að baráttan eigi að vera háð.“ 

Rósa Björk segir að auðvitað séu margar áherslur flokkanna þegar kemur að félagshyggju og almannaþjónustu keimlíkar en VG leggi talsvert meiri áherslu á femínisma og umhverfismál, ólíkt sósíalistum.

„Mér finnst femínísk stefna Vinstri hreyfingarinnar græns framboðs og umhverfismálin séu algjörlega aðskilin frá Sósíalistaflokknum. Þar beri þá þessa flokka algjörlega í sundur,“ segir Rósa Björk.

„Síðan er það kannski þessi reynsla og ábyrgðarkennd sem Vinstri græn búa yfir. Svo myndi ég líka kannski nefna það að VG hefur nú verið meira í nútímanum og framtíðinni en Sósíalistaflokkurinn. Og boðar nútímalegri stjórnmál en Sósíalistaflokkurinn hefur gert hingað til.“ 

Ósammála um áherslur hvors annars á femínisma

Gunnar Smári segir að að mati sósíalista sé forsenda þess að ná árangri í umhverfis- og mannréttindamálum að ná árangri í baráttunni fyrir félagslegu réttlæti. 

„Það ber þess ekki merki í stefnu Sósíalistaflokksins að vera femínískur flokkur eða umhverfisverndarflokkur,“ var svar Rósu Bjarkar. Gunnar Smári sagði þá að hún hefði ekki lesið stefnu flokksins. „Ég get sent þér hana.“

Rósa fullyrti hins vegar að hún hefði lesið hana nokkrum sinnum. „Þú segir að sósíalistar leggi áherslu á umhverfismálin og femínísku málin. Ég sé það ekki í stefnunni eða málflutningnum.“

Gunnar Smári sagði þá að Sólveig Anna Jónsdóttir, formaður Eflingar og frambjóðandi Sósíalistaflokksins, hefði náð miklum árangri í baráttu láglaunakvenna fyrir efnahagslegu sjálfstæði. „Þetta hefur ekki verið gert með stuðningi femíníska flokksins, VG. Þvert á móti. Við höfum ekki fundið fyrir neinum stuðningi þar.“

Horfa má á nýjasta þátt Pressu í heild sinni hér að neðan:

Kjósa
8
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Pressa

Mest lesið

Búist við atkvæðagreiðslu um Hormússund í öryggisráðinu
6
Erlent

Bú­ist við at­kvæða­greiðslu um Horm­ússund í ör­ygg­is­ráð­inu

Ör­ygg­is­ráð Sam­ein­uðu þjóð­anna greið­ir lík­lega at­kvæði í dag um út­þynnta til­lögu Persa­flóa­ríkja um að sér­hverju landi verði heim­ilt að beita hervaldi til að opna fyr­ir sigl­ing­ar um Horm­ússund. Olíu­verð hef­ur snar­hækk­að eft­ir að Ír­an­ir svo gott sem lok­uðu sund­inu eft­ir árás­ir Banda­ríkj­anna og Ísra­els á land­ið.

Mest lesið

Mest lesið í vikunni

„Fólk er hrætt”
1
Viðtal

„Fólk er hrætt”

„Ef þú býrð í landi þar sem ver­ið er að fylgj­ast með þér, þá er það veru­leiki sem þú þarft að díla við,” seg­ir Magnús Þorkell Bern­harðs­son, Mið-Aust­ur­landa­fræð­ing­ur við Williams Col­l­e­ge í Banda­ríkj­un­um og gesta­pró­fess­or við guð­fræði- og trú­ar­bragða­fræði­deild HÍ – sem ný­ver­ið flutti hér á landi fyr­ir­lestra, ann­an um Ír­an og eld­fimt ástand vegna inn­rás­ar þar, hinn um að­þrengt aka­demískt frelsi í Banda­ríkj­un­um.

Mest lesið í mánuðinum

Greiddu fyrrverandi oddvita 7 milljónir eftir að Framsókn fékk bæjarstjórastólinn
4
Stjórnmál

Greiddu fyrr­ver­andi odd­vita 7 millj­ón­ir eft­ir að Fram­sókn fékk bæj­ar­stjóra­stól­inn

Ný­stofn­að fé­lag Ág­ústs Bjarna Garð­ars­son­ar, fyrr­ver­andi odd­vita Fram­sókn­ar­flokks­ins í Hafnar­firði, fékk greiðsl­ur fyr­ir ráð­gjafa­störf eft­ir að flokks­bróð­ir hans, Valdi­mar Víð­is­son, tók við sem bæj­ar­stjóri. Ráð­gjafa­störf fyrr­um bæj­ar­stjóra Mos­fells­bæj­ar, Har­ald­ur Sverris­son, hóf­ust í tíð Rósu Guð­bjarts­dótt­ur, flokks­syst­ur hans.
Frjálshyggjumenn úr viðskiptalífinu gefa „þekktum hugsuðum“ sviðið
5
Innlent

Frjáls­hyggju­menn úr við­skipta­líf­inu gefa „þekkt­um hugs­uð­um“ svið­ið

Stjórn­end­ur Reykja­vík Fin­tech og Bæj­ar­ins Beztu Pyls­ur hafa stofn­að við­burða­fyr­ir­tæki eft­ir að hafa hald­ið fyr­ir­lestra með Jor­d­an Peter­son. Fyrstu við­burð­irn­ir eru með Frosta Sig­ur­jóns­syni um lofts­lags­mál og Bjórkast­inu, hlað­varpi þar sem stjórn­end­ur kenna sig við öfga­hægri og „kyn­þátt­ar­aun­sæi“.

Mest lesið í mánuðinum

Nýtt efni

Mest lesið undanfarið ár