Margrét gjör­þekkir jóla­bóka­flóðið, enda búin að gefa út fjöl­margar bækur en frum­leiki ein­kennir mörg verk hennar, meðal ann­ars að því leyti að mynd­skreyt­ingar og hönnun þeirra hafa ekki minna gildi en text­inn sjálfur.

Nú í ár er það bókin Einar, Anna og safnið sem var bannað börnum – sem hún gerði ásamt Lindu Ólafs­dóttur, en þær hafa vakið athygli fyrir bækur sínar sem búa ekki síður að ásýnd en inni­haldi. Í bók­inni er fjallað um lista­mann­inn Einar Jónsson og konu hans Önnu en þau stofn­uðu fyrsta lista­safnið á Íslandi í eigin hús­næði: Lista­safn Einars Jóns­sonar. Bókin er barna­bók – fyrir börn á öllum aldri. Frum­legur og girni­legur gripur en um leið til marks um hvernig bækur geta verið alls konar.

Því hefur verið fleygt að nú þegar bókin á í vök að verj­ast og sífellt fleiri hlusta á hljóð­bækur, þá skipti bókin sem bók­verk meira máli. Að grip­ur­inn …