Kallar stjórnarslit Bjarna „stórukalla dramapólitík“

„Þetta er svona stóru­kalla dramapóli­tík,“ sagði Björn Leví Gunn­ars­son, þing­maður Pírata, um ákvörðun Bjarna Bene­dikts­sonar for­sæt­is­ráð­herra að slíta rík­is­stjórn­ar­sam­starf­inu. Þetta sagði hann í Pressu á Heim­ild­inni í dag. Kannski hafi Bjarni viljað taka stjórn­ina eftir ályktun Vinstri grænna um að flýta kosn­ingum til vors­ins. „Svandís svona stillti honum upp við vegg varð­andi vor­kosn­ingar, þá kannski fannst honum hann þyrfti að taka stjórn­ina aftur.“

Björn Leví ræddi stjórn­ar­slitin í Pressu ásamt Lilju Dögg Alfreðs­dóttur, vara­for­manni Fram­sóknar og ráð­herra, og Orra Páli Jóhanns­syni, þing­flokks­for­manni Vinstri grænna. Þáttinn má sjá í heild sinni hér.

Björn Leví hefur lengi kallað eftir að stjórn­ar­flokk­arnir slíti sam­starf­inu og boði til kosn­inga. En nóv­em­ber er óheppi­legur tími fyrir kosn­ingar. 

„Tví­mæla­laust,“ sagði hann og benti á að árið 2021 þótti of seint að kjósa í októ­ber en nú er stefnt að kosn­ingum í lok nóv­em­ber.

„Kosn­ing­unum 2021 var flýtt um mánuð. Þær áttu að vera í októ­ber en var flýtt fram í sept­em­ber. Út af veðravá og ýmis­legt svo­leiðis var notað sem rök fyrir því að færa kosn­ing­arnar mán­uði fyrr. Nú erum við að koma mán­uði seinna í miklu erf­ið­ara ástand. Mér finnst þetta óábyrgt, eins og hefur verið notað hérna, að vera með kosn­ingar á þessum tíma en lýð­ræðið er lýð­ræði þegar allt kemur til alls og skiptir miklu meira máli. Maður verður bara að sætta sig við það.“

Kosn­ingar með svona skömmum fyr­ir­vari geri líka þeim sem hafa áhuga á þing­fram­boði erfitt fyrir. „Að boða til kosn­inga með svona skömmum fyr­ir­vara í raun­inni úti­lokar ný fram­boð,“ sagði hann. Píratar stefna á próf­kjör til að velja fólk á lista á meðan flestir aðrir flokkar stefna á upp­still­ingu.