Þessi grein birtist fyrir rúmlega 9 mánuðum.

Horfir á kosningarnar sem „tækifæri fyrir þjóðina“

Sam­fylk­ing­in mun stilla upp list­um í öll­um kjör­dæm­um, vegna þess skamma tíma sem er fram að kosn­ing­um. Formað­ur­inn Kristrún Frosta­dótt­ir seg­ist horfa á kom­andi kosn­ing­ar sem „tæki­færi fyr­ir þjóð­ina“.

Horfir á kosningarnar sem „tækifæri fyrir þjóðina“
Samfylkingin Kristrún Frostadóttir formaður Samfylkingarinnar. Mynd: Baldur Kristjánsson

„Ég horfi fyrst og fremst á þetta sem tækifæri fyrir þjóðina,“ segir Kristrún Frostadóttir formaður Samfylkingarinnar í samtali við Heimildina, spurð út í endalok ríkisstjórnar Bjarna Benediktssonar og komandi kosningar.

„Við erum að horfa til þess að bjóða fólki upp á nýtt upphaf,“ segir hún einnig í samtali við blaðamann, en Samfylkingin hefur farið með himinskautum í skoðanakönnunum undanfarið rúmt ár og mælst langsamlega stærsti flokkur landsins. 

Kristrún segir að í ljósi þess skamma tíma sem er fram að kosningum gefist ekki ráðrúm til að fara í leiðtogaprófkjör, eins og hún hafði áður sagt að henni hugnaðist best.

„Það liggur fyrir í þessum aðstæðum að við þurfum að undirbúa okkur hratt. Það liggur beinast við að það verði farið í hreina uppstillingu,“ segir Kristrún um þetta.

Hún leggur hins vegar áherslu á að Samfylkingin sé „mjög tilbúin málefnalega séð“.

Kristrún vildi leiðtogaprófkjör

Fyrr á þessu ári lýsti Kristrún yfir því að hennar vilji væri sá að flokkurinn héldi leiðtogaprófkjör í öllum kjördæmum, en flokksstjórnarfundur Samfylkingarinnar breytti reglum flokksins um val á lista á vordögum. 

Þá voru meðal annars sett inn ákvæði um að heimilt yrði að valið yrði á lista með prófkjöri í efsta eða tvö efstu sæti lista og uppröðun í önnu sæti. Jafnframt var ákveðið að í prófkjöri gætu bæði tekið þátt flokksmenn sem og óflokksbundnir, sem lýstu stuðningi við flokkinn.

„Í þessari ákvörðun flokksstjórnar felast skilaboð og ég tel að vel fari á því að almennir flokksfélagar Samfylkingarinnar og stuðningsmenn geti kosið sér forystufólk – oddvita á framboðslistum – í prófkjöri,“ sagði Kristrún í ræðu á fundi flokksins í Reykjavík 1. maí.

Nú er ljóst að svo verður ekki, vegna þess skamma tíma sem er til stefnu fram að kosningum. Það verður því í höndum uppstillingarnefnda Samfylkingarinnar í hverju kjördæmi fyrir sig að raða fólki á lista, frá 1. sæti og niður úr.

Búast má við því að allnokkur ný andlit setjist á þing fyrir Samfylkinguna eftir komandi kosningar. Flokkurinn mældist með ríflega 26 prósent fylgi í síðasta þjóðarpúlsi Gallup, sem skila myndi 19 þingmönnum. Í dag hefur Samfylkingin sex þingmenn, eftir að hafa fengið 9,9 prósent fylgi á landsvísu í kosningunum árið 2021.

Kjósa
14
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Stjórnarslit 2024

Ágreiningurinn um útlendingamáin
Greining

Ágrein­ing­ur­inn um út­lend­inga­má­in

„Ég tel ekki að slík frum­vörp eigi er­indi inn í þing­ið,“ sagði Svandís Svavars­dótt­ir. „Þar er­um við inn­viða­ráð­herra held ég ósam­mála,“ svar­aði Guð­rún Haf­steins­dótt­ir. Þetta var gam­alt stef og nýtt, að flokk­arn­ir væru ósam­mála í út­lend­inga­mál­um, en það hafði þó varla ver­ið jafn skýrt fyrr en rétt áð­ur en stjórn­in féll, skömmu áð­ur en Guð­rún ætl­aði sér að leggja fram frum­varp um lok­að bú­setu­úr­ræði.
Ekki lengur hægt að gera atlögu að Bjarna fyrir kosningar
GreiningStjórnarslit 2024

Ekki leng­ur hægt að gera at­lögu að Bjarna fyr­ir kosn­ing­ar

Síð­an Bjarni Bene­dikts­son tók við for­mennsku í Sjálf­stæð­is­flokkn­um hef­ur því ít­rek­að ver­ið velt upp hvort tími hans sé lið­inn. Enn sem kom­ið er hef­ur sand­ur­inn í hans póli­tíska stund­arglasi ekki runn­ið út. Hann virð­ist ná að snúa því aft­ur og aft­ur rétt áð­ur en síð­ustu sand­korn­in detta. Með því að slíta stjórn­ar­sam­starf­inu styrkti Bjarni stöðu sína og kom í veg fyr­ir inn­an­búð­arat­lögu gegn sér fyr­ir kosn­ing­ar, seg­ir stjórn­mála­fræð­ing­ur.

Mest lesið

Mest lesið

Mest lesið í vikunni

Hann var búinn að öskra á hjálp
1
Viðtal

Hann var bú­inn að öskra á hjálp

Hjalti Snær Árna­son hvarf laug­ar­dag­inn 22. mars. For­eldr­ar hans lásu fyrst um það í frétt­um að hans væri leit­að í sjón­um, fyr­ir það héldu þau að hann væri bara í göngu­túr. En hann hafði lið­ið sál­ar­kval­ir, það vissu þau. Móð­ir Hjalta, Gerð­ur Ósk Hjalta­dótt­ir, lýs­ir því hvernig ein­hverf­ur son­ur henn­ar gekk á veggi allt sitt líf, og hvernig hann veikt­ist svo mik­ið and­lega að þau voru byrj­uð að syrgja hann löngu áð­ur en hann var dá­inn.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
3
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Hann var búinn að öskra á hjálp
4
Viðtal

Hann var bú­inn að öskra á hjálp

Hjalti Snær Árna­son hvarf laug­ar­dag­inn 22. mars. For­eldr­ar hans lásu fyrst um það í frétt­um að hans væri leit­að í sjón­um, fyr­ir það héldu þau að hann væri bara í göngu­túr. En hann hafði lið­ið sál­ar­kval­ir, það vissu þau. Móð­ir Hjalta, Gerð­ur Ósk Hjalta­dótt­ir, lýs­ir því hvernig ein­hverf­ur son­ur henn­ar gekk á veggi allt sitt líf, og hvernig hann veikt­ist svo mik­ið and­lega að þau voru byrj­uð að syrgja hann löngu áð­ur en hann var dá­inn.

Mest lesið í mánuðinum

Nýtt efni

Innflytjendur á Íslandi
Samtal við samfélagið#15

Inn­flytj­end­ur á Ís­landi

Ís­land hef­ur tek­ið um­tals­verð­um breyt­ing­um und­an­farna ára­tugi. Eft­ir að hafa löng­um ver­ið eitt eins­leit­asta sam­fé­lag í heimi er nú svo kom­ið að nær fimmti hver lands­mað­ur er af er­lendu bergi brot­inn. Inn­flytj­end­ur hafa auðg­að ís­lenskt sam­fé­lag á marg­vís­leg­an hátt og mik­il­vægt er að búa þannig um hnút­ana að all­ir sem hing­að flytja geti ver­ið virk­ir þátt­tak­end­ur á öll­um svið­um mann­lífs­ins. Til að fræð­ast nán­ar um inn­flytj­enda hér­lend­is er í þess­um þætti rætt við Dr. Löru Wil­helm­ine Hoff­mann, nýdoktor við Menntavís­inda­svið Há­skóla Ís­lands, þar sem hún tek­ur þátt í verk­efn­inu “Sam­an eða sundr­uð? Mennt­un og fé­lags­leg þátt­taka flótta­barna og -ung­menna á Ís­landi.” Hún starfar einnig sem stunda­kenn­ari við Há­skól­ann á Ak­ur­eyri og Há­skól­ann á Bif­röst. Sjálf er Lara þýsk en rann­sókn­ir henn­ar hverf­ast um fólks­flutn­inga, dreif­býli, tungu­mál og list­ir en hún varði doktors­rit­gerð sína í fé­lags­vís­ind­um við Há­skól­ann á Ak­ur­eyri ár­ið 2022. Tit­ill doktors­rit­gerð­ar­inn­ar er „Að­lög­un inn­flytj­enda á Ís­landi: Hug­læg­ar vís­bend­ing­ar um að­lög­un inn­flytj­enda á Ís­landi byggð­ar á tungu­máli, fjöl­miðla­notk­un og skap­andi iðk­un.“ Guð­mund­ur Odds­son pró­fess­or í fé­lags­fræði við HA ræddi við Löru en í spjalli þeirra var kom­ið inn á upp­lif­un inn­flytj­enda af inn­gild­ingu, hlut­verk tungu­máls­ins, stærð mál­sam­fé­laga, sam­an­burð á Ís­landi og Fær­eyj­um og börn flótta­fólks.

Mest lesið undanfarið ár