Jón Arason Hóla­biskup var senni­lega fæddur um 1483 að Lauga­landi í Eyja­firði. For­eldrar hans voru Ari Sig­urðs­son og Elín Magn­ús­dóttir blá­hosa, sem kölluð var. Ari var ráðs­maður eigna Hóla­stóls á Mikla­garði í Eyja­firði og umboðs­maður allra stóls­jarða í Eyja­firði og Þing­eyj­ar­sýslu, búsettur á Lauga­landi.

Ari hlýtur að hafa verið all­stönd­ugur enda var Sigurður faðir hans príor í Möðru­vallaklaustri um það bil er Jón fædd­ist.

Þarf ekki að orð­lengja að bæði bisk­ups­stól­arnir og klaustrin voru stór­auðug og áttu miklar og verð­mætar jarð­eignir um landið allt.

Fimmt­ánda öldin hefur verið nefnd enska öldin í sögu Íslands enda bæði versl­uðu Eng­lend­ingar og veiddu fisk við landið og keyptu hér vað­mál og brenni­stein. Öttu þeir mjög kappi við Þjóð­verja sem líka seild­ust hér til áhrifa. Ísland heyrði þá undir norska kon­ung­dæmið en Noregur var þá í raun að fær­ast meira og meira undir Danmörku enda hafði Kal­mar­sam­bandi land­anna verið komið á 1397.

Stórbokkar …