Seinni myndHver er þessi bandaríski kaupsýslumaður? Ættarnafn hans dugir.

Almennar spurningar:

1. Í hvaða landi fannst hinn svonefndi Rosettu-steinn?
2. Vísindamenn hvaða þjóðar rannsökuðu steininn og komust þá að merkum niðurstöðum?
3. Árið 2004 var skotið á loft geimfari sem hét Rosetta og tíu árum síðar sendi geimfarið frá sér minna geimfar sem lenti ... hvar?
4. Hvaða karlleikari fékk Óskarsverðlaun fyrir framgöngu sína í kvikmyndinni There Will Be Blood árið 2007?
5. Hvaða leikkona fer með hlutverk Vigdísar Finnbogadóttur í væntanlegum sjónvarpsþáttum?
6. Hvað heitir biskup Íslands fullu nafni?
7. Hvað hét fyrsta sólóplata Bjarkar Guðmundsdóttur á alþjóðlegum vettvangi?
8. En hvað hét sú næsta?
9. Árið 2015 vakti Almar Atlason heilmikla athygli hér á landi í vikutíma. Hvers vegna?
10. Hver mælti svo í viðtali: „Ég fór í Menntaskólann í Reykjavík á náttúrufræðibraut því ég ætlaði mér að verða læknir. Ég fann samt fljótt út að þetta var ekki leiðin sem hentaði mér, ég kláraði stúdentinn og fór svo af fullum krafti í tónlist.“
11. Í hvaða landi er borgin Petra grafin inn í berg?
12. Hvaða dýr er það sem oft var fyrrum kallað hundfiskur? Svarið þarf að vera þokkalega nákvæmt.
13. Hvaða fótboltalið hefur unnið Meistaradeild Evrópu (og áður Evrópubikarinn) oftar en nokkuð annað í karlaflokki?
14. Frá 1951–1969 voru heimsmeistaraeinvígi í skák ævinlega háð í sömu borginni. Hvaða borg var það?
15. Í hvaða sagnaheimi kemur sverðið Longclaw eða Langakló við sögu?