Í sept­em­ber síð­ast­liðnum var hópur franskra nema í forn­leifa­fræði við upp­gröft og rann­sóknir í útjaðri smá­bæj­ar­ins Eu í aust­ur­hluta Normandí í Frakk­landi. Ákveðið var að ráð­ast í upp­gröft­inn vegna skriðu­falla á þessum slóðum.

Franski forn­leifa­fræð­ing­ur­inn Guillaume Blondel, sem stjórnar vinn­unni, sagði að hóp­ur­inn sem sam­anstendur af sjálf­boða­liðum, nemum í forn­leifa­fræði, væri í kapp­hlaupi við tímann „hér er mikil hætta á skriðu­föllum en þegar hefur hluti svæð­is­ins graf­ist undir aur og mold,“ sagði hann í við­tali við BBC.

Svæðið sem um ræðir er gam­alt virk­is­þorp frá dögum Kelta og hefur áður verið rann­sakað en Guillaume Blondel sagði að til­tölu­lega lítið væri vitað um þorpið. Síðan upp­gröft­ur­inn hófst hefur hóp­ur­inn fundið all­marga hluti sem taldir eru vera frá tímum Kelta, lík­lega um tvö þús­und ára gamlir. Einkum leir­krukkur og krúsir.

Guillaume Blondel sagði ekki óvenju­legt að finna gamla hluti og alþekkt væri að til dæmis smiðir skyldu eftir eitt og annað í húsum sem þeir væru að byggja, til dæmis verk­færi inni í veggjum. Hins vegar sé sjald­gæft að forn­leifa­fræð­ingar skilji eftir eitt­hvað frá sjálfum sér „þeir ímynda sér að eng­inn komi á eftir þeim á þetta svæði, þeir hafi lokið verk­efn­inu, við eigum örugg­lega eftir að finna marga fleiri muni,“ sagði Guillaume Blondel.

P.J. Féret

Eins og áður sagði er rann­sóknin í Eu og nágrenni núna ekki sú fyrsta. Árið 1825 vann maður að nafni P.J. Féret að upp­grefti á þessum slóðum. Hann bjó í bænum Dieppe skammt sunnan við Eu og var áhuga­maður um forn­leifar, sögu og ýmis­legt fleira. Hann hafði fengið leyfi til að rann­saka svæðið í Eu, það leyfi er að finna í skjala­safni yfir­valda. Hann var virtur meðal sam­borg­ara sinna og tók þátt í margs konar félags­starfi.

 Flöskupósturinn   

Þegar orðið flösku­póstur er nefnt dettur senni­lega flestum í hug flaska sem ein­hver hefur kastað í sjó­inn og hefur síðan velkst um heims­ins höf og loks rekið á land. Orðið hefur yfir sér hálf­gerðan ævin­týra­blæ og til eru margar sögur af flösku­pósti, sem í mörgum til­vikum hefur þvælst um langan veg, ef svo má að orði kom­ast.

Komið fyrir í leir­krukkuKrukkan hafði verið grafin grunnt í jörðu.

Það sem J.P. Féret skrif­aði árið 1825 og hóp­ur­inn hans Guillaume Blondel fann 199 árum síðar hafði ekki farið sjó­leið­ina. Miðinn, upprúll­aður með spotta utan um, hafði verið settur í glas undan ilm­söltum en slík glös báru konur gjarna um háls­inn segir í umfjöllun BBC. Glasinu hafði verið komið fyrir í leir­krukku sem svo var grafin grunnt í jörðu. Ásamt glas­inu voru í krukk­unni tveir smá­pen­ingar. 

Á mið­anum stóð „P.J. Féret, íbúi í Dieppe, félagi í margs konar félögum, vann hér að upp­grefti í jan­úar 1825. Hann mun halda áfram athug­unum sínum á þessu stóra svæði sem þekkt er undir nafn­inu Cité de Limes“.

Trúðu vart eigin augum

Hópurinn sem vann að upp­greft­inum var mjög spenntur þegar glasið með mið­anum kom í ljós. Guillaume Blondel þorði ekki strax að rúlla mið­anum sundur en eftir að hafa ráð­fært sig við sér­fræð­inga var beðið í sól­ar­hring. Eins og nefnt var hér framar voru engin stór­tíð­indi í flösk­unni, utan auð­vitað ártals­ins.

Líklega elsti flöskupóstur sem fundist hefur

Nú verður mið­inn sem P.J. Féret, eða ein­hver félagi hans, skrif­aði á rann­sak­aður af sér­fræð­ingum.

Sér­fræð­ingar rann­saka mið­annMiðinn var upprúll­aður með spotta utan um í flösku eða glasi undan ilm­söltum eins og konur báru gjarna um háls­inn á þessum tíma.

Mynd: archaeology.org

Komi í ljós að mið­inn sé frá 1825 er þetta elsti flösku­póstur sem vitað er um og fund­ist hefur. 21. jan­úar 2018 fundu tveir menn í Ástralíu flösku sem kastað hafði verið í sjó­inn 12. júní 1886. Í flösk­unni var miði og þar voru upp­lýs­ingar um stað­ar­á­kvörðun skips­ins, sem var þýskt, þegar flösk­unni, sem var undan gini, var kastað fyrir borð. Vitað er að þýskir skip­stjórar köst­uðu þús­undum flösku­skeyta í hafið frá árinu 1864 og fram til árs­ins 1933 í því skyni að kanna haf­strauma.

Kynntust í gegnum flöskupóst

Til eru ótal sögur um flösku­póst. Ein sú skemmti­leg­asta segir frá 17 ára stúlku á Sikiley sem árið 1957 fann flösku með orð­send­ingu í. Með aðstoð prests­ins á svæð­inu, og orða­bókar, tókst henni að fá botn í bréfið. Það hafði 19 ára sænskur kokkur á fragt­skipi skrifað og kastað í sjó­inn á Mið­jarð­ar­haf­inu. „Huggu­legur ungur maður leitar að lag­legri ungri konu“ stóð í bréf­inu. Hann hafði munað eftir að gefa upp heim­il­is­fang sitt, hann bjó í Gauta­borg. Stúlkan skrif­aði kokk­inum, sagð­ist reyndar ekki vera neitt sér­lega lag­leg, en það væri ótrú­legt að flaskan hefði ferð­ast svona langt til að lenda svo hjá mér.

Þetta end­aði með ára­tuga hjóna­bandi í Svíþjóð.