TekjurGuðrún Hafberg hefur enga þörf fyrir að til­heyra tekju­hæsta eina pró­senti lands­ins.

Mynd: Heim­ildin / Davíð Þór

Guðrún Hafberg 

Hversu háar heldur þú að hæstu heild­ar­tekjur árs­ins 2023 hafi verið? 

„Ég hef ekki hug­mynd um það. Maður er búinn að heyra ein­hverjar gígantískar tölur og ég legg þær ekki á minnið því mér er nákvæm­lega sama. Ég á ekki þessa pen­inga og ég veit að spill­ingin er það mikil að við getum ekki breytt þessu.“  

Hæstu heild­ar­tekjur síð­asta árs voru rúmar 5,5 millj­arðar. Hvað finnst þér um það? 

„Það er svo margt á bak við þetta.“

Hvað ert þú með í tekjur? 

„Það er mjög lítið, ég er elli­líf­eyr­is­þegi.“  

Værir þú til í að vera hluti af tekju­hæsta pró­senti lands­manna? 

„Ég hef ekki þörf fyrir það.“

Hver væru þín drauma­mán­að­ar­laun? 

„Sko fyrir svona venju­legan Jón þá er voða gott að vera með 5–600 þús­und.“

Hefur það fíntDorothea Margrét Högna­dóttir væri til í að geta farið þrisvar sinnum til útlanda á ári, ann­ars hefur hún það fínt.

Mynd: Heim­ildin / Davíð Þór

Dorothea Margrét Högnadóttir

Hversu háar heldur þú að hæstu heild­ar­tekjur árs­ins 2023 hafi verið? 

„100 millj­ónir?“

Ef ég segi þér að það eru 5,5 millj­arðar, hvað finnst þér um það? 

„Mér finnst það alveg bara hræði­legt.“

Hvað ert þú með í tekjur? 

„Í heild­ina yfir árið? Ætli ég sé ekki með svona sex, sjö millj­ónir.“ 

Værir þú til í að vera hluti af tekju­hæsta pró­senti lands­manna? 

„Nei, það myndi ég ekki vilja.“

Hver væru þín drauma­mán­að­ar­laun? 

„Ja, ætli það væri ekki þau að ég gæti farið svona þrisvar til útlanda á ári, eitt­hvað svo­leiðis, ann­ars hef ég það fínt.“

Til í hátekju­list­annLilja Hrund Stef­áns­dóttir og Þórey Lilja Finn­björns­dóttir væru til í að vera á hátekju­list­anum. „Klárlega.“

Mynd: Heim­ildin / Davíð Þór

Lilja Hrund Stefánsdóttir og Þórey Lilja Finnbjörnsdóttir

Hversu háar haldið þið að hæstu heild­ar­tekjur árs­ins 2023 hafi verið? 

Þórey: „Ég var að skoða þetta eitt­hvað í gær, ég man ekki hver talan var.“

Lilja: „Svona … millj­arður?“

Þórey: „Nei, ég myndi segja alveg nokkrar millj­ónir, alveg örugg­lega svona 50 millj­ónir eða eitt­hvað.“

Hæstu heild­ar­tekjur ein­stak­lings voru 5,5 millj­arðar. Hvað finnst ykkur um það? 

Lilja: „Mér finnst það bara rosa­legt. Galið.“

Þórey: „Mjög mikið.“

Hvað eruð þið með í tekjur?

Lilja: „Ég vinn nú bara á sumrin, ég myndi segja 200–300 þús­und.“

Þórey: „500 þús­und, eitt­hvað svo­leiðis.“

Væruð þið til í að vera hluti af tekju­hæsta pró­senti lands­manna? 

Lilja: „Já.“

Þórey: „Já, klár­lega.“

Hver væru ykkar drauma­mán­að­ar­laun? 

Lilja: „Svona í kringum milljón, kannski aðeins meira.“

Þórey: „Ég myndi segja svona tvær millj­ónir á mán­uði, eitt­hvað svo­leiðis.“

Hálf milljónIngunn Eva Helga­dóttir væri til í að vera með hálfa milljón á mán­uði.

Mynd: Heim­ildin / Davíð Þór

Ingunn Eva Helgadóttir

Hversu háar heldur þú að hæstu heild­ar­tekjur árs­ins 2023 hafi verið? 

„Ég veit það ekki, ég er rosa­lega lítið inn í svona. Ein­hverjir millj­arðar?“

5,5 millj­arðar. Hvað finnst þér um það? 

„Það er svo­lítið mikið.“

Hvað ert þú með í tekjur? 

„Það fer rosa­lega eftir ... ég er bara í hluta­starfi eins og er. Á þessu ári, sirka ein og hálf.“

Værir þú til í að vera hluti af tekju­hæsta pró­senti lands­manna? 

„Það væri mjög fínt, að hafa nóg fyrir öllu.“

Hver væru þín drauma­mán­að­ar­laun? 

„Ég bara er ekki alveg viss, eins og er væri geggjað að fá hálfa milljón á mán­uði.“

Hér er hægt að skoða hátekju­lista Heim­ild­ar­innar 2024 í heild sinni þar sem finna má upp­lýs­ingar um 3.445 tekju­hæstu Íslend­ing­ana.