Tæplega 600 manns hafa nú skráð sig í Facebook-hóp­inn „Skutl til og frá Egils­staða­flug­velli.“ Til­gangur hóps­ins, sem var stofn­aður 16. júlí síð­ast­lið­inn, er að kom­ast hjá því að greiða bíla­stæða­gjöld við Egils­staða­flug­völl, með því að skipt­ast á að skutla og sækja far­þega út á völl. 

Aust­ur­frétt greindi fyrst frá.

Í júní kom Isavia á gjald­skyldum á bíla­stæðum við flug­vell­ina á Egils­stöðum, í Reykja­vík og á Akureyri. Þeir sem stoppa á Egils­staða­flug­velli lengur en í 14 klukku­tíma þurfa að greiða 1750 króna dag­gjald fyrir stæðið. Fyrstu vik­una er sól­ar­hrings­gjaldið þessar 1750 krónur, en 1350 krónur vik­una þar á eftir og þriðju vik­una 1200 krónur.

Sveit­ar­fé­lög á Aust­ur­landi reyndu með álykt­unum að koma í veg fyrir gjald­tök­una og stjórn Sambands sveit­ar­fé­laga á Aust­ur­landi fór fram á að hætt yrði við áformin. Var þar meðal ann­ars bent á að bíl­arnir væru lagðir á ómal­bik­uðum mal­ar­stæðum sem væru ekki skipu­lögð sem bíla­stæði.

Sveit­ar­stjórn­ar­full­trúi Vinstri grænna í Múla­þingi kall­aði gjald­tök­una lands­byggð­ar­skatt en odd­viti Mið­flokks­ins sagð­ist frekar vilja vera settur í járn en að greiða þennan auka ferða­kostnað.

Gæti verið töluverður sparnaður að nýta sér hópinn

Aust­firð­ingar og þeir sem sækja Egils­staði heim virð­ast þó ekki deyja ráða­lausir í við­leitni sinni að kom­ast hjá því að greiða þessi óvin­sælu bíla­stæða­gjöld. Í stað þess að borga hyggst fólk skipt­ast á að keyra hvort annað til og frá flug­vell­inum í gegnum Facebook-hóp­inn. 

Stofn­andi hóps­ins er Sveinn Snorri Sveins­son sem segir í sam­tali við Aust­ur­frétt að ástæðan að baki hópnum hafi verið ósætti hans í garð bíla­stæða­gjald­anna. Hann seg­ist von­ast til að taki nógu margir þátt geti íbúar á svæð­inu kom­ist til og frá vell­inum ókeypis og mót­mælt gjald­tök­unni um leið. 

„Aðal­at­riðið í svona hóp er að við­haldi traustinu milli þeirra sem eru með. Það þarf aðeins eitt skipti þar sem ekki er staðið við sitt til að þurrka út traust á hópnum svo það þarf að passa vel. En á hinn bóg­inn getur þetta verið tölu­verður sparn­aður fyrir þá sem þurfa oft í flug eða þurfa að vera lengi burtu fyrir utan auð­vitað að sýna Isavia að við hér aust­an­lands getum alveg staðið saman þegar á þarf að halda. Ég vona sann­ar­lega að þetta gangi upp og hvet alla til að koma með okkur,“ segir Sveinn Snorri við Aust­ur­frétt.