Þessi grein birtist fyrir meira en ári.

Barist í bökkum velferðarsamfélags

Í Pressu verð­ur fjall­að um versn­andi fjár­hags­stöðu fjölda heim­ila á Ís­landi og hvað sé til ráða. Ýms­ar kann­an­ir hafa að und­an­förnu sýnt að byrð­ar fjölda fólks hafa þyngst. Þannig eiga fjög­ur af hverj­um tíu sem eru á vinnu­mark­aði erfitt með að ná end­um sam­an og tveir af hverj­um tíu ör­yrkj­um búa við veru­leg­an efn­is­leg­an skort eða sára­fá­tækt.

Barist í bökkum velferðarsamfélags

Í vikunni voru birtar niðurstöður tveggja kannana sem sýna að byrðar ýmissa þjóðfélagshópa eru að þyngjast. Í  mánaðarskýrslu Húsnæðis- og mannvirkjastofnunar sem birt var á dögunum kemur meðal annars fram að leiguverð hafi hækkað hratt umfram almennt verðlag. Þá segir í könnun sem Maskína gerði fyrir Viðreisn að verðbólga og háir vextir hafi mikil eða mjög mikil áhrif á heimilisbókhaldið hjá 70% þjóðarinnar. 

Kannanir Vörðu, rannsóknastofnunar vinnumarkaðarins, hafa einnig sýnt að það fjölgar hægt og bítandi í hópi þeirra sem berjast í bökkum. Í mars greindi Varða frá því að fjögur af hverjum tíu á vinnumarkaði eigi erfitt með að ná endum saman og að ellefu prósent launafólks búi við skort á efnislegum gæðum. Staða foreldra hafi versnað milli ára þannig að hærra hlutfall þeirra hafi ekki efni á grunnþáttum fyrir börnin sín. 

Þá sýndu niðurstöður könnunar Vörðu á stöðu fatlaðs fólks að tæplega tveir af hverjum tíu þeirra búa við verulegan efnislegan skort eða sárafátækt. Staða sem var verri í lok árs í fyrra en árið á undan.

Í fjármálaáætlun ríkisstjórnarinnar er gert ráð fyrir að greiðslum til örorkulífeyriskerfisins verði frestað til haustsins 2025.  Frestunin lækkar þær greiðslur sem öryrkjar hefðu annars fengið á næsta ári um 10,1 milljarð króna. 

Rætt verður um þessi mál í Pressu í hádeginu í dag, föstudag. Þingkonurnar Hanna Katrín Friðriksson, formaður þingflokks Viðreisnar og Bryndís Haraldsdóttir frá Sjálfstæðisflokki, sem situr meðal annars í velferðarnefnd, setjast við umræðuborðið ásamt Kristínu Hebu Gísladóttur, framkvæmdastjóra Vörðu, en hún mun fara yfir þær upplýsingar sem liggja fyrir um stöðu launafólks og stöðu fatlaðs fólks á Íslandi. 

Pressa er send út í beinni útsendingu alla föstudaga klukkan 12.00 á vefnum Heimildin.is 

Kjósa
10
Hvernig finnst þér þessi grein? Skráðu þig inn til að kjósa.

Athugasemdir (1)

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Pressa

Mest lesið

Mest lesið

Mest lesið í vikunni

Mest lesið í mánuðinum

„Ég er mjög stolt af því að hafa tekið þennan slag“
4
Fréttir

„Ég er mjög stolt af því að hafa tek­ið þenn­an slag“

Mann­rétt­inda­dóm­stóll Evr­ópu komst í dag að þeirri nið­ur­stöðu að ís­lenska rík­ið hefði ekki brot­ið á Bryn­dísi Ásmunds­dótt­ur. Hún seg­ir skrít­ið að tala um tap þeg­ar Mann­rétt­inda­dóm­stóll Evr­ópu veitti henni áheyrn. Nú geti hún loks náð and­an­um. Mark­mið­um um að vekja máls á brota­löm­um í ís­lensku rétt­ar­kerfi hafi náðst, ekki síst þeg­ar sig­ur vannst í öðru mál­inu.

Mest lesið í mánuðinum

Nýtt efni

Mest lesið undanfarið ár