Samn­inga­nefnd VR hefur sam­þykkt að efna til atkvæða­greiðslu um verk­föll með félags­manna sem starfa í far­þega- og hleðslu­þjón­ustu Icelandair á Kefla­vík­ur­flug­velli. Atkvæða­greiðslan mun fer fram næst­kom­andi mánu­dag. Í frétta­til­kynn­ingu VR segir að verði vinnu­stöðvun sam­þykkt er gert ráð fyrir að verk­föll hefj­ist 22. mars.

Um er að ræða 150 manna hóp sem sinnir meðal ann­ars tösku­mót­töku, inn­ritun og brott­förum. Starfs­fólkið starfar eftir sér­kjara­samn­ingi Icelandair.  Í til­kynn­ingu VR segir að félagið hafi um lengi barist fyrir kjara­bótum fyrir starfs­fólkið.

Þá segir einnig að rík óánægja sé meðal margra starfs­manna sem sinna far­þega­af­greiðslu Icelandair með vakta­fyr­ir­komu­lagið og skert rétt­indi til sam­fellds vinnu­tíma.

Mörgum starfs­mönnum hefur um langa hríð verið gert að lækka starfs­hlut­fall sitt yfir vetr­ar­mán­uð­ina, úr 100 pró­sent niður í 76 pró­sent hlut­fall. Yfir þessa mán­uði mæta starfs­fólkið til vinnu frá fimm til níu að morgni og er svo síðan sent heim og gert að mæta aftur til vinnu eftir hádegi og vinna til fimm. 

Í til­kynn­ing­unni segir að sér­kjara­samn­ingur við Icelandair sé eitt af þeim atriðum sem standa út af í kjara­við­ræðum VR og Samtaka atvinnu­lífs­ins.

En gangur við­ræðna um þetta atriði hefur verið hægur sem hefur leitt til þess að samn­inga­nefnd VR telur nauð­syn­legt að efna til atkvæða­greiðsl­unnar. Þá enn eftir að semja nokkur atriði sem lúta að launa­liðnum, for­sendu­á­kvæðum og ýmsum öðrum kjara- og rétt­inda­málum.