Í tilkynningu frá utanríkisráðuneytinu segir að listi íslenskra stjórnvalda yfir þá sem koma á yfir landamærin frá Gaza til Egyptalands sé einstakur því enginn íslenskur ríkisborgari sé á honum né heldur neinn með tvöfalt ríkisfang. Eingöngu dvalarleyfishafar. Þetta hafi í för með sér að ísraelsk stjórnvöld þurfi að skoða málið sérstaklega. Það gæti þýtt að tafir verði á að hægt verði að flytja fólk með dvalarleyfi frá átakasvæðum á Gaza.

Tilkynningin segir að verkefnið sé einstakt hvað þetta varðar. Þar er minnst á að önnur Norðurlönd annist ekki framkvæmd fólksflutninga dvalarleyfishafa yfir landamærin vegna þess að aðstoð þeirra snúi að ríkisborgurum og í einhverjum tilvikum dvalarleyfishöfum. 

Ekki liggur fyrir hver endanleg tímalína málsins verður. „Fyrir liggur að stjórnvöld munu eingöngu vinna eftir diplómatískum leiðum. Fulltrúar stjórnvalda hafa þannig fylgt öllum ferlum sem stofnanir í Egyptalandi og Ísrael fara fram á,“ segir í tilkynningu …