Skömmu eftir að gos hófst í morgun fóru við­bragðs­að­ilar að und­ir­búa vinnu við að loka skörðum í varn­ar­görð­unum við Svarts­engi ef ske kynni að hraunið myndi flæða í átt að þeim. Stefnt var að því að geta lokað fyrir götin hratt og miklum jarð­vegi var komið fyrir skammt frá opunum þar sem Grind­ar­vík­ur­vegur og Norð­ur­ljósa­vegur liggja að orku­ver­inu í Svarts­engi og Bláa lón­inu. 

Skömmu eftir hádegi hóf hraunið að flæða yfir Grinda­vík­ur­veg og virt­ist stefna í átt að varn­ar­garðsop­inu við Norð­ur­ljósa­vega. Þá lá enn meira á að loka skarð­inu þar.

Ljós­mynd­ari Heim­ild­ar­innar sem var á vett­vangi náði áhuga­verðu myndefni af vinnu­vél­unum að störfum við að byggja við varn­ar­garð­inn. Í mynd­band­inu má sjá verk­tak­ana á mik­illi hrað­ferð við að færa jarð­veg yfir Norð­ur­ljósa­veg­inn á meðan hraunið flæðir nokkrum tugum metra frá þeim.