Þessi grein birtist fyrir meira en ári.

Allt af létta

„Liðið hefur alla burði“

Guðmundur Þ. Guðmundsson, fyrrverandi landsliðsþjálfari í handbolta, vill ekki tjá sig sérstaklega um gengi landsliðsins á EM hingað til, nóg sé af sérfræðingum til að gera það. Hann segir liðið þó eiga að hafa alla burði, bæði breidd og getu.

19. janúar 2024 · 20:00

Arnar Þór Ingólfsson

arnar@heimildin.is

Spilamennska íslenska landsliðsins á EM í handbolta karla hefur valdið nokkrum vonbrigðum, jafnvel sest ögn á þjóðarsálina, auk þeirra hamfara sem hafa átt sér stað við Grindavík. Síðasti landsliðsþjálfari, Guðmundur Þórður Guðmundsson, segist í samtali við Heimildina ekki vilja tjá sig um gengi liðsins á mótinu til þessa. Það geri hann á síðari stigum, ekki núna.

Um landsliðið sagði hann þó, áður en leikurinn gegn Þýskalandi á fimmtudag fór fram: „Liðið hefur alla burði, þeir eru með breidd og þeir eru með getuna. Ég óska þeim alls hins besta.“

Hann segir sérstakt að fylgjast með mótinu utan frá. „Ég skal játa það,“ segir Guðmundur en hann hefur tekið þátt í 26 stórkeppnum, EM og HM í handbolta og Ólympíuleikum, á sínum ferli. Þar af hefur hann tekið þátt í nítján mótum sem þjálfari þriggja landsliða, Íslands, Danmerkur og Barein.

„Frá 2010 hef ég tekið þátt í fjórtán stórkeppnum. Það er sérstakt að upplifa það að vera í fyrsta skipti í langan tíma ekki í stórkeppni,“ segir Guðmundur. „Ég er að horfa á eins marga leiki og ég get og njóta keppninnar. Ásamt því er ég svo að þjálfa mitt félagslið hér á sama tíma, sem ég hef ekki getað gert á meðan ég þjálfaði bæði félagslið og landslið. Það er það sem er öðruvísi og það má segja að það sé ný tilfinning fyrir mig og ný upplifun að geta fylgst með þessu og horft á mikið af leikjum.“

Farinn út að horfa á Dani

Guðmundur er á leið til Þýskalands í dag, föstudag, að horfa á Dani spila við Svía, sem áhorfandi á stórmóti í handbolta. „Ég hef aldrei gert það áður,“ segir hann og kemur einnig inn á það í samtali við blaðamann að Danirnir séu að hans mati í sérflokki.

„Þeir eru ansi margir og hafa sterkar og margar skoðanir“

Guðmundur Guðmundsson

um handboltasérfræðinga

„Það er augsýnilegt að þeir eru með stórkostlegt lið,“ segir Guðmundur um liðið sem hann þjálfaði frá 2014–2017 og gerði að Ólympíumeisturum 2016.

Hann ætlar ekki að tjá sig um íslenska landsliðið, sem áður segir. „Ég tjái mig einhvern tímann seinna en ekki núna, ég hef ákveðin prinsipp hvað það snertir. Það er nóg til af sérfræðingunum til þess að tjá sig um þetta.“

Eru þeir of margir, kannski?

„Þeir eru ansi margir og hafa sterkar og margar skoðanir,“ segir Guðmundur Þórður um handboltaumræðuna.

Kjósa

Hvernig finnst þér þessi grein? Skráðu þig inn til að kjósa.

Deila

Athugasemdir

Skráðu þig inn til að skrifa athugasemd eða kjósa.

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Tengdar greinar

Allt af létta

Áratugagömlu vörumerki hent á haugana

Grafískur hönnuður segir oft nauðsynlegt fyrir fyritæki að breyta um vörumerki, þá sérstaklega þegar þau ætla sér nýja hluti, en Stöð 2 situr nú eftir í fortíðinni í fjölmiðlasögu Íslands.

Allt af létta

Misstu miðjuna

Framsóknarflokkurinn hefur aldrei mælst jafnilla og hann gerði í maí. Varaformaður flokksins, Lilja Dögg Alfreðsdóttir, segir hann þó ekki hafa tapað erindi sínu.

Allt af létta

Segir blóðmerahald byggja á kerfisbundnu ofbeldi

Andrés Ingi Jónsson, framkvæmdastjóri Dýraverndarsambands Íslands, segir Matvælastofnun hafa brugðist eftirlitshlutverki sínu. Sambandið hefur kært blóðmerahald til lögreglu vegna dýraníðs og illrar meðferðar, sem framkvæmdastjórinn segir kerfisbundinn hluta af blóðmerahaldi.

Allt af létta

Óvenjuleg málefni fyrir rauða dregilinn

Kristinn Hrafnsson, ritstjóri Wikileaks, sótti kvikmyndahátíðina í Cannes þar sem heimildarmynd um Julian Assange var frumsýnd í vikunni. Hann segir upplifunina nokkuð sérstaka.

Allt af létta

„Eru þau hrædd eða snýst þetta um peninga?“

Lóa Hjálmtýsdóttir, ábyrgðarkona undirskriftalista þar sem farið er fram á að RÚV dragi Ísland úr Eurovision verði Ísrael ekki meinaður aðgangur að keppninni, segir útvarpsstjóra og ráðafólk á Íslandi ekki heiðarlegt í svörum sínum varðandi keppnina.

Allt af létta

„Við vorum svolítið eins og munaðarleysingjar“

David B Tencer, biskup kaþólsku kirkjunnar á Íslandi, er mjög ánægður með nýkjörinn páfa, Leó XIV. Kaþólikkar hafi verið svolítið eins og munaðarleysingjar, en hafi nú fengið heilagan föður.

Mest lesið

Fréttir

„Á ekki möguleika á að fá réttláta málsmeðferð“

Nauðgunarkæran var felld niður, en umboðsmaður Alþingis tekur undir aðfinnslur við rannsókn lögreglu, varðandi atriði sem hefðu getað skipt máli við sönnunarmat. Eftir athugun á máli Guðnýjar S. Bjarnadóttur sendi umboðsmaður Alþingis einnig ríkissaksóknara ábendingu varðandi varðveislu gagna í sakamálum og áréttaði mikilvægi þess að ákærandi hafi öll gögn undir höndum þegar hann tekur afstöðu.

Fréttir

Ósammála um hvernig bregðast eigi við mótmælum gegn innflytjendum

Álitsgjafa á vinstri væng stjórnmálanna greinir á um hvort nálgast eigi meinta rasista með skilningi, háði, ofbeldi eða þögninni. „Ég hef nú svo sem reynt eitt og annað en veit ekkert hvort það virkar,“ segir háskólakennari um samtöl sín við fólk andvígt innflytjendum.

Erlent

0,0 prósent alkóhól

Eftirspurn eftir óáfengum bjór eykst stöðugt. Í fyrra náði aukningin níu prósentum á heimsvísu. Því er spáð að þessi þróun haldi áfram á komandi árum og dönsk bjórfyrirtæki bregðast við.

Viðtal

Komst loks í átröskunarmeðferð þegar veikindin voru orðin alvarleg

Elín Ósk Arnarsdóttir ákvað 17 ára að fara í „saklaust átak“ til að léttast en missti algjörlega tökin og veiktist alvarlega af átröskun. Hún lýsir baráttu sinni, ekki einungis við lífshættulegan sjúkdóm heldur líka brotið heilbrigðiskerfi þar sem fólk fær ekki hjálp fyrr en sjúkdómurinn er orðinn alvarlegur, en dánartíðni vegna hans er sú hæsta á meðal geðsjúkdóma.

FréttirLoftslagsvá

Mínus 50 gráður á veturna ef hafstraumar brotna niður

Ný rannsókn á langtímaáhrifum niðurbrots hafstrauma í Atlantshafi sýnir öfgafullar breytingar á hitastigi Norður-Evrópu. Tvö hundruð árum eftir niðurbrot gæti svæðið kólnað langt umfram þau áhrif sem hlýnun jarðar hefur til mótvægis. Hitastig í Ósló yrði undir frostmarki nær sex mánuði ársins.

Neytendur

Rukkuð um 1.500 króna hátíðargjald á veitingahúsi í miðbænum: „Algjörlega út í hött“

Tvær konur voru krafðar um 1.500 króna „hátíðargjald“ fyrir að hafa setið við borð á veitingahúsi í miðbæ Reykjavíkur í gær, 17. júní. Formaður Neytendasamtakanna segir athæfið óheimilt hafi þeim ekki verið gert viðvart um gjaldið fyrirfram.

Mest lesið

Mest lesið í vikunni

Fréttir

Forsprakki útifundar játaði fjárdrátt á leikskólanum Klettaborg

Sigfús Aðalsteinsson, stofnandi hópsins Ísland - þvert á flokka, sem stendur fyrir útifundum um hælisleitendur, játaði á sig fjárdrátt frá leikskólanum Klettaborg þegar hann var forstöðumaður þar. Hann vill ekki dæma hvort brot af því tagi séu nógu alvarleg til að innflytjendur sem gerðust sekir um þau ætti að senda úr landi.

Aðsent

Indriði Þorláksson

Kvótaskerðing, þjóðartekjur, veiðigjöld og hafið

Ekkert tilefni er því til endurmats á þeirri tillögu sem sjávarútvegsráðherra hefur lagt fram um hækkun á veiðigjaldi. Enn vantar mikið á til að hlutur almennings í tekjum af eigin auðlind sé kominn í eðlilegt horf.

GreiningSjávarútvegsskýrslan

Fjölskyldurnar sem eiga fiskana í sjónum

Innan við tíu fjölskyldur eiga og stýra stærstu sjávarútvegsfyrirtækjum landsins. Þau fyrirtæki sem skráð hafa verið á markað eru enn undir stjórn, og að uppistöðu í eigu, þeirra einstaklinga sem fengu gjafakvóta. Fjárfestingar eigenda útgerðanna í öðrum og óskyldum greinum nema tugum milljarða og teygja sig í majónesframleiðslu, skyndibitastaði, trampólíngarða og innflutning á bleyjum og sígarettum.

Fólkið í borginni

„Finn það alveg núna að ég á heima hér“

Rakel Birta Hafliðadóttir segir það hafa verið leiðinlegt að skilja fjölskylduna sína eftir á Egilsstöðum þar sem hún er alin upp, en í Reykjavík eigi hún heima.

Fréttir

„Á ekki möguleika á að fá réttláta málsmeðferð“

Pistill

Sif Sigmarsdóttir

Íslenski kjáninn

Hver á fánann?

Mest lesið í mánuðinum

Fréttir

Forsprakki útifundar játaði fjárdrátt á leikskólanum Klettaborg

Fréttir

Innflytjandi sár eftir 30 ár á Íslandi: „Við erum helvítis útlendingar og múslímar sem á að reka úr landi“

Jasmin Vajzovic sem fluttist til Íslands frá Bosníu og Hersegóvínu fyrir 30 árum segist aðeins nýlega hafa upplifað fordóma vegna trúar sinnar og uppruna. Hann segist kvíða fyrir framtíð dóttur sinnar á Íslandi.

Fréttir

Segir Útlendingastofnun ætla að senda Oscar úr landi eftir helgi

Íslenskur fósturfaðir Oscars Andres Florez Bocanegra, 17 ára drengs frá Kólumbíu sem hefur verið synjað um alþjóðlega vernd á Íslandi, segir að Útlendingastofnun ætli sér að koma Oscari úr landi eftir helgi.

Úttekt

Einhverfir á vinnumarkaði: Starfsmannaskemmtanir bara ólaunuð yfirvinna

Í atvinnuauglýsingum er gjarnan krafist mikilla samskiptahæfileika, jafnvel í störfum þar sem þess ekki er þörf. Þetta getur útilokað fólk, til að mynda einhverfa, sem búa yfir öðrum mikilvægum styrkleikum. Bjarney L. Bjarnadóttir gerði tímamótarannsókn á þessu og leggur áherslu á að atvinnurekendur efli fötlunarsjálfstraust.

Úttekt

Drengir kvörtuðu undan kennara og var meinað að sitja kennslustundir

Tólf ára gamlir drengir leituðu til skólastjóra vegna meints ofbeldis af hálfu kennara. Í kjölfarið var þeim meinað að sitja kennslustundir hjá kennaranum. Annar baðst afsökunar eftir tvær vikur og fékk þá að koma aftur í tíma. Hinn sætti útskúfun í tvo mánuði, áður en skólanum var gert að taka drenginn aftur inn í tíma. Foreldrar drengsins segja kerfið hafa brugðist barninu og leituðu að lokum til lögreglu.