Rauði Krossinn í Færeyjum hvetur Fær­ey­inga til að safna pen­ingum til hjálpar Grind­vík­ingum. Þetta kemur fram í frétta­til­kynn­ingu á heima­síðu fær­eyska Rauða Krossins: „Hjálpið okkum að savna pen­ing inn til neyðstødd í Grinda­vík.“ 

Í til­kynn­ing­unni er vísað til neyð­ar­söfn­unar íslenska Rauða Krossins sem stofnað var til 14. jan­úar til að styðja við Grind­vík­inga. Þar segir að íslenski Rauði Krossinn hafi meðal ann­ars hjálpað fólki við að fá bráða­birgð­ar­hús­næði, sál­rænan og fjár­hags­legan stuðn­ing. Enn fremur hafi hann séð þeim sem þurftu föt, mat og aðrar nauð­synjar þegar þau voru flutt frá bænum.

Í fær­eysku til­kynn­ing­unni segir að vilji fólk hjálpa þessu mann­úð­ar­starfi íslenska Rauða Krossins sé því vel­komið að leggja fjár­hæð inn á reikn­ing fær­eyska Rauða Krossins, merkta „Ísland.“ Er tekið fram að þetta eigi við um bæði ein­stak­linga og fyr­ir­tæki. 

Studdu Íslendinga eftir Heimaeyjargos og snjóflóðin 1995 

Þetta er ekki í fyrsta skiptið sem fær­eyskir frændur okkar sýna stuðn­ing við …