Þessi grein birtist fyrir meira en ári.

Teitur Björn vildi ekki fullyrða að Svandís ætti að segja af sér

Þrír þing­menn stjórn­ar­flokk­anna ræddu sín á milli um ábyrgð Svandís­ar Svavars­dótt­ur í kjöl­far álits um­boðs­manns Al­þing­is um stöðv­un henn­ar á hval­veið­um síð­asta sum­ar. Teit­ur Björn Ein­ars­son, þing­mað­ur Sjálf­stæð­is­flokks, sagði að með fram­ferði sínu hefði Svandís far­ið gegn því sem ákveð­ið hefði ver­ið með gerð stjórn­arsátt­mála – að hrófla ekki við hval­veið­um.

Í nýjasta þætti Pressu fékk Helgi Seljan til sín þrjá stjórnarþingmenn. Það voru þau Teitur Björn Einarsson, þingmaður Sjálfstæðisflokks, Steinunn Þóra Árnadóttir, þingkona Vinstri grænna, og Ágúst Bjarni Garðarsson, þingmaður Framsóknar. Ræddu þau meðal annars um álit umboðsmanns Alþingis á ákvörðun Svandísar Svavarsdóttur matvælaráðherra að fresta hvalveiðum í sumar. 

Teitur og Steinunn eru ósammála

Spurður út í afstöðu sína sagði Teitur Björn framgöngu matvælaráðherra vera alvarlegt brot. Hann vildi þó ekki fullyrða um það að Svandís ætti að segja af sér. Að hans mati væri þó hægt að ganga að því vísu að ráðherra sem hegðaði sér líkt og hún fengi ekki að starfa áfram í skjóli Sjálfstæðisflokks. 

„[Framganga matvælaráðherra] hefur grafið undan trausti. Og við erum að fara fram á það að VG leysi úr þessu máli. Hvernig á að skapa starfsfrið um þau verkefni sem flokkarnir eru sammála um að vinna áfram,“ sagði Teitur.

Steinunn Þóra, þingmaður VG, tók undir að álit umboðsmanns ætti að taka alvarlega. „Það er ekki þannig að það fylgi því að ráðherrar segi af sér þó svo að það sé komið með ábendingar um hluti sem betur mætti fara,“ sagði hún. Benti Steinunn á það að Svandís hefði tekið ákvörðunina um frestun hvalveiða í samræmi við ráðleggingar sérfræðinga innan ráðuneytisins. 

Þessu var Teitur ósammála. „Hún tekur ákvörðun sem er gegn þeim ráðleggingum sem þar [í ráðuneytinu] er að finna.“ Sagði Teitur enn fremur að ekki hefði verið fallist á tillögu Vinstri grænna að setja bann á hvalveiðum í stjórnarsáttmála. „Það var niðurstaðan. Það var það sem var lagt til grundvallar. Þannig það yrði ekki hróflað við hvalveiðum. Gegn þessu fer matvælaráðherra,“ sagði hann.

„Nei,“ sagði Steinunn Þóra, og hristi höfuðið. 

„Gegn þessu fer víst matvælaráðherrann og stöðvar hvalveiðar með ólögmætum hætti, sem er, eins og umboðsmaður Alþingis kemst að, bann við hvalveiðum. Þetta höfum við alltaf sagt að er algjörlega ótækt. Þess vegna er þetta svona alvarlegt mál,“ svaraði Teitur.

Menn eigi að virða leikreglur

Ágúst Bjarni, þingmaður Framsóknar, sagði að ein leið til að leysa úr ástandinu væri að ráðherrar hefðu stólaskipti líkt og fordæmi væri fyrir. „Þetta er verkefni formanna að leysa úr og ég treysti þeim til þess,“ sagði hann. Hann sagði að ætlast væri til að menn færu eftir þeim leikreglum sem þingið setti. 

Þegar nefnt var að Lilja Alfreðsdóttir flokkssystir Ágústs hefði einnig gerst brotleg við lög –jafnréttislög – á ráðherrastól með því að ráða Pál Magnússon flokksbróður sinn til ráðuneytis síns, fannst Ágústi það „heldur ódýr umræða.“ Páll hafi verið fullkomlega hæfur til að gegna því starfi. „Þarna finnst mér verið að blanda saman ólíkum hlutum,“ sagði hann.

Kjósa
4
Hvernig finnst þér þessi grein? Skráðu þig inn til að kjósa.

Athugasemdir (2)

Skráðu þig inn til að skrifa athugasemd eða kjósa.
  • LBE
    Lára Brynhildur Eiríksdóttir skrifaði
    Svandís vann sína vinnu í samráði við álit sérfræðinga um velferð dýra. gegn fólki í þjóðfélaginu, með mikil völd og voldugt bakland. enda fékk hún að finna fyrir þeim,og hnífstungu í bakið. Mér finnst hún algjör hetja. Og vill að hún Sítji áfram sem fastast. Við þurfum fleira fólk eins og hana á alþingi. Fólk sem Þorir að standa með samvisku sinni, og lætur ekki undan spillingu og hótunum. Heldur stendur með sinni sannfæringu. Og lætur ekki nauðbeyga sig kúa og spilla. ÁFRAM SVANDÍS.
    0
  • Þorsteinn V. Sigurðsson skrifaði
    Vanhæf ríkisstjórn
    1
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Pressa

Mest lesið

Mest lesið

Mest lesið í vikunni

Indriði Þorláksson
2
Pistill

Indriði Þorláksson

Veiði­gjöld, hagn­að­ur og raun­veru­leg af­koma

Sam­tök fyr­ir­tækja í sjáv­ar­út­vegi hafa mót­mælt hækk­un veiði­gjalda með röng­um for­send­um og áróðri. Al­menn­ing­ur styð­ur hins veg­ar að hlut­ur þjóð­ar­inn­ar í arði af fisk­veiðiauð­lind­inni verði auk­inn. Reikn­uð auð­lindar­enta end­ur­spegl­ar raun­veru­lega af­komu bet­ur en bók­halds­leg­ur hagn­að­ur, sem get­ur ver­ið skekkt­ur með reikn­ings­færsl­um og eigna­tengsl­um.
Segja svör Íslands hvorki viðunandi né í samræmi við raunveruleikann
6
Fréttir

Segja svör Ís­lands hvorki við­un­andi né í sam­ræmi við raun­veru­leik­ann

Hvít­þvott­ur, inni­halds­leysi og óvið­un­andi svör sem eru ekki í tengsl­um við raun­veru­leik­ann eru með­al þeirra orða sem Geð­hjálp not­uðu til að lýsa svör­um Ís­lands um geð­heil­brigð­is­mál í sam­ráðs­gátt. Inn­an stjórn­kerf­is­ins er unn­ið að drög­um að mið­ann­ar­skýrslu Ís­lands vegna alls­herj­ar­út­tekt­ar Sam­ein­uðu þjóð­anna á stöðu mann­rétt­inda­mála.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
2
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Drengir kvörtuðu undan kennara og var meinað að sitja kennslustundir
6
Úttekt

Dreng­ir kvört­uðu und­an kenn­ara og var mein­að að sitja kennslu­stund­ir

Tólf ára gaml­ir dreng­ir leit­uðu til skóla­stjóra vegna meints of­beld­is af hálfu kenn­ara. Í kjöl­far­ið var þeim mein­að að sitja kennslu­stund­ir hjá kenn­ar­an­um. Ann­ar baðst af­sök­un­ar eft­ir tvær vik­ur og fékk þá að koma aft­ur í tíma. Hinn sætti út­skúf­un í tvo mán­uði, áð­ur en skól­an­um var gert að taka dreng­inn aft­ur inn í tíma. For­eldr­ar drengs­ins segja kerf­ið hafa brugð­ist barn­inu og leit­uðu að lok­um til lög­reglu.

Mest lesið í mánuðinum

Nýtt efni

Mest lesið undanfarið ár