Svandís ætlar ekki að segja af sér vegna álits umboðsmanns

Þetta álit er ekki þess eðlis,“ segir Svandís Svav­ars­dóttir mat­væla­ráð­herra spurð hvort hún hygg­ist segja af sér vegna álits umboðs­manns Alþingis um frestun hval­veiða síð­ast­liðið sumar.

Álitið snertir ekki hæfi Svan­dísar en í því kemur fram að hún hafi ekki haft nægi­lega skýra laga­stoð fyrir því að fresta upp­hafi hval­veiði­ver­tíðar síð­ast­liðið sumar. Þá hafi útgáfa reglu­gerð­ar­innar um frest­un­ina ekki gætt með­al­hófs og ekki verið í sam­ræmi við lög.

Í nýbirtu áliti umboðs­manns, Skúla Magn­ús­sonar, segir að hann telji ekki ástæðu til að beina­sér­stökum til­mælum til Svan­dísar um úrbætur. Ástæðan fyrir því er að ástandið sem leiddi af útgáfu reglu­gerð­ar­innar er liðið undir lok.

Bjarna brast hæfi, Svandísi ekki

Póli­tíkin hefur beðið álits­ins með mik­illi eft­ir­vænt­ingu en ákvörðun Svan­dísar um frestun hval­veiða lagð­ist illa í flokk­ana tvo sem Vinstri græn, flokkur Svan­dísar, situr með í rík­is­stjórn: Framsókn og Sjálf­stæð­is­flokk. 

Þá hafði því ítrekað verið velt upp hvort Svandís myndi þurfa að segja af sér ef álitið væri nei­kvætt en rík­is­stjórn­ar­bróðir hennar Bjarni Bene­dikts­son sagði af sér í haust vegna álits umboðs­manns og tók í kjöl­farið að sér aðra ráð­herra­stöðu, þá í utan­rík­is­ráðu­neyt­inu.

Væri verkefni dómstóla

Skúli tekur ekki afstöðu til hugs­an­legra einka­rétt­ar­legra afleið­inga fyr­ir­mæla Svan­dísar.

„Hef ég af þeim sökum ekki heldur for­sendur til að beina til­mælum til ráð­herra um að leita leiða til að rétta hlut Hvals hf. yrði það að vera verk­efni dóm­stóla að leysa úr slíkum álita­efnum ef málið yrði lagt í þann far­veg,“ skrifar Skúli. 

Þarf að uppfæra löggjöfina

Svandís tók ákvörðun um að fresta veið­unum eftir að fagráð um vel­ferð dýra komst að þeirri nið­ur­stöðu að veiði­að­ferðin væri í and­stöðu við lög um dýra­vel­ferð. 

Um hval­veiði­lög­gjöf­ina segir Svandís við Heim­ild­ina: „Mér finnst þessar ábend­ingar umboðs­manns alveg und­ir­strika það að þetta er ekki nútíma­leg lög­gjöf, frá 1949. Það þarf að upp­færa hana og hún þarf að kall­ast á við sam­fé­lagið og þessar auknu áherslu alls staðar á dýra­vel­ferð.“

Andrés Ingi Jónsson, þing­maður Pírata, og fleiri þing­menn lögðu fram frum­varp um hval­veiði­bann síð­ast­liðið haust. Spurð hvort hún styðji það frum­varp seg­ist Svandís þurfa að kynna sér það betur.

Svandís skrif­aði jafn­framt færslu á Facebook sem má lesa hér: