Víðir Reynisson, yfirlögregluþjónn almannavarnadeildar ríkislögreglustjóra, fer yfir viðburði ársins sem nú er að líða og spáir um framhaldið í viðtali við Aðalstein Kjartansson í nýjasta þætti Pressu. Mikið gekk á árið 2023 og Víðir gerir ráð fyrir því að næsta ár verði að sama skapi erilsamt.
„Við sjáum að það stafar hætta að þessum innviðum í Svartsengi. Þó við séum komin með varnargarða þá er ekki útlokað að það gjósi þar alveg ofan í og jafnvel innan garðanna,“ segir hann. Auk þess sé hætta á eldgosi í næsta nágrenni Grindavíkur enn fyrir hendi.
„Þetta er búið að vera erfitt ár“
Víðir er orðinn þreyttur en segist hvergi hættur. „Ég er orðinn mjög þreyttur, viðurkenni það,“ segir hann. „Þetta er búið að vera erfitt ár að mörgu leyti. Ég var að fást við eftirköst af Covid og var sex vikur á Reykjalundi í haust.“ Víðir segir starfsþrek sitt vera minna en áður.
„Ég brenn fyrir öryggi og velferð fólks“
„En eldmóðurinn er þarna. Það er það sem heldur mér gangandi að ég brenn fyrir öryggi og velferð fólks,“ segir hann. Víðir reiknar með því að fylgja Reykjaneseldum eftir á meðan starfsævin endist, en enn er að minnsta kosti áratugur í að hann fari á eftirlaun.
Reiknar með erilsömu ári 2024
Spurður hvernig næsta ár horfi við honum segist Víðir erfitt að reikna með öðru en að það verði mjög erilsamt. „Við erum að sjá aukna öfga í veðrinu, við erum að sjá auknar skriður. Það er búin að vera snjóflóðahætta á Norðurlandi og Vestfjörðum og við gerum ekki ráð fyrir öðru en að það haldi áfram í vetur. Síðan mun Reykjanesið halda áfram – það er í gangi og verður í gangi.“
Athugasemdir (2)
Pressa
„Þarna verður maður áþreifanlega var við hvað það er stutt á milli lífs og dauða“
Landlæknir og heilbrigðisráðherra mætast í Pressu
Rósa Björk segir málflutning Gunnars Smára popúlískan
Hvað greinir að Sósíalistaflokkinn og Vinstri græn?
„Samkeppni á borð við Prís getur verið meira virði en lífskjarasamningur“
Ríkislögreglustj, almannavarnir , veðurstofa ,sveitastj og fl og fl. Og alltof mikil vinna lögð á björgunarsveitir þar sem menn eru að hætta að nenna þessu bulli.
Of mikið kjaftæði og tímafrekt og svo boð og bönn.
Látið gosið í friði og gerið eitthvað annað.
Þu ert buinn að
standa þig ofboðslega vel en þu VERÐUR að hvila þig og þina aðstendur.
Þetta veistu manna best.
Gleðilegt nyar til þin og þinna