Framsóknarflokknum gekk vel í þingkosningunum 2021, þegar hann bætti við sig töluverðu fylgi og fékk 17,3 prósent atkvæða. Um var að ræða næstbestu útkomu flokksins síðan 2003 og hann bætti við sig fimm þingmönnum. Sveitarstjórnarkosningarnar árið 2022 gengu sömuleiðis vel og Framsókn var ótvíræður sigurvegari þeirra. Alls bætti Framsókn við sig 23 sveitarstjórnarfulltrúum, þar af fjórum í Reykja­vík og fjórum í Mos­fells­bæ, en sigrar flokks­ins þar eru sér­stak­lega eft­ir­tekt­ar­verðir þar sem á hvor­ugum staðnum átti flokk­ur­inn full­trúa þegar kosið var síðast. Árangurinn í Reykjavík, þar sem fylgi flokksins fór úr 3,2 í 18,8 prósent, skilaði því að Einar Þorsteinsson, oddviti Framsóknar í höfuðborginni, verður borgarstjóri um miðjan mánuðinn.

Það er þó ekki ókeypis að ná eyrum kjósenda. Framsókn eyddi 89 milljónum króna í alþingiskosningarnar 2021 og 87 milljónum króna í sveitarstjórnarkosningarnar í fyrra. 

Gott gengi í kosningum skilar ekki einungis meiri áhrifum og völdum. Það þýðir líka að flokkar fá …