„Nokkurs konar sigdalur hefur myndast sem liggur í gegnum hluta Grindavíkurbæjar,“ segir á vef Veðurstofu Íslands. 

Þessi niðurstaða fékkst út frá greiningu á gervitunglagögnum sem Veðurstofan vann 12. nóvember. 

Gögnin sem um ræðir sýna að í tengslum við myndun kvikugangsins hefur land í vesturhluta byggðarinnar sigið um allt að heilan metra.

LitríktÞessi mynd sem byggð er á breytingum milli 10. og 11. nóvember, sýna breytingu sem varð á yfirborði við myndun kvikugangsins. Bláir litir tákna landsig og á myndinni má greinilega sjá legu kvikugangsins og sigdalinn sem myndast hefur við suðurenda hans.

Mynd: Veðurstofa Íslands

Gervitunglamynd sem sést hér að ofan og nær til tímabilsins þriðja til ellefta nóvember sýnir umfangsmikið aflögunarsvið sem tengist kvikuinnskotinu sem hófst síðdegis tíunda nóvember hjá Svartsengi.

„Þetta bylgjuvíxlrit gerði vísindamönnum kleift að reikna líkan til að áætla umfang kvikugangsins. Niðurstaðan var að kvikugangurinn er um 15 km langur og að kvikan lægi á um 800 m dýpi þar sem hún væri grynnst. Út frá líkaninu var rúmmálsbreytingin í tengslum við myndun gangsins væri um 70 milljónir rúmmetra,“ segir í færslu Veðurstofunnar. 

Kort„Þessi mynd var hluti af þeim gögnum sem voru samtúlkuð af vísindafólk Veðurstofunnar og Háskóla Íslands og var sú niðurstaða notuð til grundvallar þeirri ákvörðun almannavarna að rýma Grindavíkurbæ föstudagskvöldið 10. nóvember,“ segir á vef Veðurstofu Íslands.

Mynd: Veðurstofa Íslands

Vinna ný líkön

Skjálftavirknin á Reykjanesskaganum hefur haldist nánast óbreytt frá því í gær en gliðnun mælist mest við Sundhnúka.

Starfsfólk Veðurstofunnar fylgist áfram vel með. 

„Verið er að vinna ný líkön byggð á nýrri ICEYE gervitunglamynd og einnig nýjum GPS mælingum sem ná yfir síðasta þróun virkninnar síðasta sólarhringinn. Þau líkön koma til með að gefa betri mynd af þróun kvikugangsins og magn kviku sem flæðir inn í ganginn.“

Mynd: Golli

Mynd: Golli

Mynd: Golli