Alþingi hefur samþykkt þingsályktunartillögu utanríkismálanefndar um „afstöðu Íslands vegna átaka fyrir botni Miðjarðarhafs“ um að án tafar „skuli komið á vopnahléi af mannúðarástæðum á Gaza-svæðinu“ svo tryggja megi öryggi almennra borgara, „jafnt palestínskra sem ísraelskra“.
Tillagan er sú þriðja sem hefur litið dagsins ljós í þessari viku en á mánudaginn var þingsályktunartillögu Pírata útbýtt á Alþingi þess efnis að fordæma aðgerðir Ísraelshers í Palestínu og kalla sömuleiðis eftir tafarlausu vopnahléi af mannúðarástæðum. Tvær þingkonur Vinstri grænna voru á meðal þeirra tíu þingmanna sem stóðu að henni.
Daginn eftir lagði þingflokkur Viðreisnar fram aðra þingsályktunartillögu sem var samhljóða breytingartillögu Kanada við ályktun Jórdana, sem lögð var fyrir á allsherjarþingi Sameinuðu þjóðanna 27. október en náði ekki tveimur þriðja hluta stuðnings sem þurfti til samþykktar. Í breytingartillögu Kanada kom fram fordæming á „hryðjuverkaárás af hálfu Hamas,“ …
Athugasemdir