Þorlákur Mart­eins­son greiddi alls tæpar 226 millj­ónir króna í skatta á síð­asta ári, sem gerir hann að öðrum hæsta skatt­greið­anda Hafn­ar­fjarðar og setur hann í þrett­ánda sæti yfir þau sem hæsta skatta greiddu á land­inu öllu árið 2022. Stærstur hluti skatt­greiðslna Þorláks voru fjár­magnstekju­skattar, alls tæpar 224 millj­ónir króna, sem eru að mestu til­komnar vegna sölu á fyr­ir­tæki Þorláks, Verk­færa­söl­unni, sem Rubix Ísland keypti á síð­asta ári.

„Jú, þakka þér fyrir,“ svar­aði Þorlákur þegar blaða­maður Heim­ild­ar­innar byrj­aði sam­talið á að óska honum til ham­ingju með vel­gengn­ina á síð­asta ári í tekju­legu til­liti. Aðspurður um hvernig það slægi hann að vera nú meðal efsta fólks á lista yfir skatta­kónga og -drottn­ingar Íslands svar­aði Þorlákur: „Þetta er bara lífið. Ég hef alltaf borgað mikla skatta, þannig lagað.“

Og ekki talið það eftir þér, eða hvað?

„Nei, nei, maður vill bara hafa góða sjúkra­hús­þjón­ustu. Sem …