Á meðan sumir nota sum­ar­fríið sem afsökun til að slaka á í heilsu­rækt­inni líta aðrir á það sem tæki­færi til að kom­ast í form og jafn­vel dusta rykið af óupp­fylltum ára­móta­heitum. 

Nokkrar lík­ams­rækt­ar­stöðvar bjóða upp á sér­stök sum­ar­kort. Þeirra á meðal er lík­ams­rækt­ar­stöðin Afrek þar sem boðið er upp á sum­ar­kort fyrir 39.990 krónur sem gildir í tvo mán­uði. Kaupandi ræður hvenær hann nýtir kortið á tíma­bil­inu 15. maí til 31. ágúst. Sport­húsið býður einnig upp á sum­ar­kort sem gildir frá 1. maí til 31. ágúst fyrir 19.990 krónur. Kortið gildir bæði í Kópavogi og í Reykja­nesbæ. Sum­ar­kort í Boot Camp eða CrossFit í Sport­hús­inu eru ögn dýr­ari, 34.990 krónur.  

Mynd: Pexels

Stærstu lík­ams­rækt­ar­stöðv­arnar bjóða ekki upp á sér­stök sum­ar­kort en hægt er að kaupa þriggja mán­aða kort. Í World Class kostar slíkt 39.990 krónur, sem veitir aðgang að öllum 18 stöðvum World Class ásamt aðgangi að átta sund­laugum víðs …