„Að missa fóstur eða barn er alltaf áfall ef þung­unin var vel­komin,“ segir Helga Sól Ólafs­dóttir, félags­ráð­gjafi á kvenna- og barna­sviði Land­spít­al­ans. Þar er boðið upp á sál­fé­lags­lega aðstoð við missi fóst­urs eða barns við fæð­ingu. „Þetta eru yfir­leitt ein­stak­lingar sem virki­lega langar til að eign­ast barn og við miss­inn er það að syrgja draum­inn.“

Helga Sól segir að mis­jafnt sé hvernig stuðn­ing fólk þarf. „Besti stuðn­ing­ur­inn er alltaf frá nán­ustu aðstand­endum en síðan kemur fag­fólkið. Ef par missir þá er mik­il­vægt að það styðji hvort annað og fari í gegnum þessa lífs­reynslu saman. Stór­fjöl­skyldan getur oft verið mjög góður stuðn­ingur en stundum geta aðstæður verið flóknar eins og til dæmis ef það er von á öðru barni hjá systur eða bróður. Þá er fjöl­skylda bæði að gleðj­ast og syrgja á sama tíma.“

Sál­fé­lags­leg aðstoð skipt­ist í sál­gæslu, sem prestar og djáknar Land­spít­al­ans …