Oddný Harð­ar­dóttir þing­maður Sam­fylk­ing­ar­innar gerði fjár­mála­inn­viði á Íslandi að umfjöll­un­ar­efni undir liðnum störf þings­ins á Alþingi í dag. Hún benti á að íslenskir neyt­endur greiddu ekki ein­ungis til íslenskra banka heldur borg­uðu þeir einnig til Visa og Mastercard í útlöndum.

„Hagnaður bank­anna af þessu fyr­ir­komu­lagi hleypur á millj­örðum og við borgum og getum ekki annað. En eftir hverju höfum við verið að bíða allan þennan tíma? Höfum við verið að bíða eftir bönk­unum, að þeir geri eitt­hvað í mál­unum? Er það ekki stjórn­valda og Seðla­bank­ans að bregð­ast við?“ spurði hún.  

Oddný telur að Íslend­ingar þurfi sjálf­stæðar og óháðar greiðslu­lausnir sem séu bæði ódýrar og öruggar. Vísaði hún í grein sem hún skrif­aði í fyrra­sumar um „þessa alvar­legu stöðu“ en þar sagði hún að stjórn­völd og Seðla­banki Íslands þyrftu að gyrða sig í brók strax og þótt fyrr hefði verið og tryggja óháða, sjálf­stæða fjár­mála­inn­viði, óháðar og ódýrar inn­lendar greiðslu­lausnir.

„Núna, um ári seinna, eru þau enn með allt niður um sig,“ sagði hún á þingi í dag. 

Fyrirkomulag greiðslumiðlunar hér á landi gæti ógnað þjóðaröryggi

Oddný hóf ræð­una á því að rifja upp að árið 2019 hefði þáver­andi seðla­banka­stjóri, Már Guð­munds­son, skrifað þjóðar­ör­ygg­is­ráði bréf um að fyr­ir­komu­lag greiðslu­miðl­unar hér á landi gæti ógnað þjóðar­ör­yggi. Katrín Jak­obs­dóttir for­sæt­is­ráð­herra hefði síðan upp­lýst í nóv­em­ber í fyrra í umræðum um skýrslu þjóðar­ör­ygg­is­ráðs að ráðið hefði fengið Seðla­bank­ann þrisvar sinnum á fund sinn til að ræða stöðu inn­lendrar greiðslu­miðl­unar. 

Katrín sagði þá að það væri mat þjóðar­ör­ygg­is­ráðs að lyk­il­at­riði til að tryggja fjár­mála­ör­yggi væri að til staðar væru inn­viðir til að tryggja inn­lenda greiðslu­miðlun. Þann 28. sept­em­ber í fyrra árétt­aði fjár­mála­stöð­ug­leika­nefnd í yfir­lýs­ingu sinni mik­il­vægi þess að auka öryggi í inn­lendri greiðslu­miðlun til að tryggja rekstr­ar­sam­fellu, meðal ann­ars með vísan til vax­andi netógnar. 

Á kynn­ing­ar­fundi fjár­mála­stöð­ug­leika­nefndar 15. mars síð­ast­lið­inn sagði Gunnar Jak­obs­son, stað­geng­ill for­manns nefnd­ar­innar, að nið­ur­staða yrði að fást í mál­inu á næstu vikum eða óska ella eftir laga­setn­ingu um málið, benti Oddný á.