Fréttir

Tómar ritstjórnarskrifstofur Fréttablaðsins – „Mér líður hörmulega“

Rit­stjórn­ar­skrif­stof­ur Frétta­blaðs­ins eru nú tóm­ar eft­ir að starfs­fólki var til­kynnt í morg­un að út­gáfu blaðs­ins væri hætt. Rit­stjóri Frétta­blaðs­ins seg­ir stöð­una áfall fyr­ir ís­lenska fjöl­miðla­sögu og áfall fyr­ir lýð­ræð­ið í land­inu. Sam­hliða því að út­gáfu­fé­lag­ið Torg fer í þrot flyst DV.is í Hlíða­smára.

Tómar ritstjórnarskrifstofur Fréttablaðsins – „Mér líður hörmulega“
Enginn á skrifstofunni Það var tómlegt um að litast á ritstjórnarskrifstofu Fréttablaðsins um hádegisbil eftir að starfsfólkið var farið heim. Hátt í hundrað manns misstu vinnuna hjá útgáfufélaginu Torgi í dag. Mynd: Heimildin / Davíð Þór
Birtist fyrir 4 árum.

„Mér líður hörmulega og hugur minn er fyrst og fremst hjá elskulegu samstarfsfólki mínu sem er að missa vinnuna í dag,“ segir Sigmundur Ernir Rúnarsson, ritstjóri Fréttablaðsins sem var lagt niður í dag eftir 22 ára útgáfu. 

Blaðamaður Heimildarinnar náði tali af Sigmundi Erni þegar hann var að yfirgefa húsakynni Fréttablaðsins nú rétt í þessu en nánast allir starfsmenn voru farnir úr höfuðstöðvum Torgs ehf. utan starfsfólk DV.is. Það var þungt yfir Sigmundi Erni.

„Þetta er líka áfall fyrir lýðræðið í landinu og enn meira áfall fyrir fjölmiðlasögu landsmanna sem er snauðari fyrir vikið. En það er þverpólitísk sátt í landinu um að hlúa að einum fjölmiðli sem er ríkisrekinn. Aðrir mega eiga sig, og fyrir vikið mun þeim fækka enn frekar,” segir hann.

Áfall fyrir lýðræðiðSigmundur Ernir Rúnarsson við lyftuna í húsakynnum Torgs, á leiðinni heim.
Mynd: Heimildin / Davíð Þór

Útgáfufélagið Torg ehf. tilkynnti í morgun að útgáfu Fréttablaðsins hefði verið hætt og útsendingar sjónvarpsstöðvarinnar Hringbrautar stöðvaðar. Þar kom einnig fram að DV.is og hringbraut.is sem einnig heyrðu undir Torg hefðu verið færð yfir í félagið Fjölmiðlatorg ehf.  og upplýsingamiðlinum Iceland Magazine yrði hleypt af stokkunum undir því félagi.

Ýmsir starfsmenn sem voru að kveðja tóku með sér eigur sínar af skrifstofunni en Sigmundur Ernir segist þurfa að koma aftur eftir helgi „og hirða allt mitt hafurtask. Svo fer maður bara heim að skrifa bækur. Hér eru allir á leiðinni heim. Starfi Fréttablaðsins og Hringbrautar er lokið. DV heldur blessunarlega áfram en þar starfa 12 manns. Hátt í hundrað manns misstu vinnuna í dag,“ segir hann.

Hof­garðar ehf., félag í eigu Helga Magn­ús­son­ar, keypti DV.is, hringbraut.is og Iceland Magazine á 420 milljónir úr þrotabúi Torgs og færði undir Fjölmiðlatorg. Helgi tilkynnti þetta á fundi með starfsfólki í morgun.

Skrifstofur DV.is verða um helgina færðar frá Hafnartorgi yfir í Hlíðasmára í Kópavogi.

Er enn að melta stöðunaBjörn Þorfinnsson, ritstjóri DV.is, segist vera í áfalli með vinum sínum og samstarfsfólki á Torgi.
Mynd: Heimildin / Davíð Þór

Björn Þorfinnsson, ritstjóri DV, er einnig þungbúinn. „Við erum í mjög miklu áfalli með vinum okkar og samstarfsfélögum. Þetta eru líka rosalegar breytingar fyrir DV. Við erum að fara úr um hundrað manna vinnustað sem við höfum deilt með Fréttablaðinu og Hringbraut yfir í að vera rétt yfir einum tug á nýjum stað. Helgin fer bara í að melta þetta,“ segir hann.

Einar Þór Sigurðsson, blaðamaður á Fréttablaðinu og fyrrverandi aðstoðarritstjóri DV, færir sig yfir á DV.is við breytingarnar.

Kjósa
8
Hvernig finnst þér þessi grein? Skráðu þig inn til að kjósa.

Athugasemdir (1)

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Snýr aftur í hjúkrunarfræði eftir heilablæðingu
1
ViðtalLífið á Grensás

Snýr aft­ur í hjúkr­un­ar­fræði eft­ir heila­blæð­ingu

Við­bragðs­að­il­ar héldu að Björn Ólaf­ur Har­alds­son væri út­úr­dóp­að­ur þeg­ar hann lá á gólf­inu með blæð­ingu í heila. Hann var 21 árs og í hjúkr­un­ar­fræði­námi þeg­ar áfall­ið reið yf­ir og þurfti ít­rek­að að leið­rétta mis­tök ófag­lærðs starfs­fólks á heil­brigð­is­stofn­un­um. Nú stefn­ir hann á að klára nám­ið og koma sterk­ari til baka.
Reykjavíkurborg takmarkar aðgengi að tónlistarnámi
5
Tónlist

Reykja­vík­ur­borg tak­mark­ar að­gengi að tón­list­ar­námi

Þrátt fyr­ir stefnu Reykja­vík­ur­borg­ar um jafn­an rétt til list­sköp­un­ar lýsa skóla­stjórn­end­ur tón­list­ar­skóla þung­um áhyggj­um af þró­un mála. Ald­urstak­mörk hafi orð­ið til þess að vísa þurfti nem­end­um úr námi og aðr­ir kom­ist aldrei að. Sí­fellt sé þrengt að starf­semi tón­list­ar­skóla þar til þeir verði ann­að­hvort að sam­ein­ast eða loka.

Mest lesið í mánuðinum

Katla sem breytti heilbrigðiskerfinu
1
ViðtalLífið á Grensás

Katla sem breytti heil­brigðis­kerf­inu

Eng­inn á Ís­landi hef­ur lif­að af jafn al­var­leg­an mænusk­aða og Katla Guðna­dótt­ir sem lenti í dul­ar­fullu bíl­slysi 22 ára göm­ul. Hún er föst á Grens­ás­deild þar sem kerf­ið hef­ur ekki af­greitt beiðni henn­ar um heima­þjón­ustu. Bar­átta henn­ar hef­ur þeg­ar skil­að for­dæma­lausri ákvörð­un í heil­brigð­is­ráðu­neyt­inu en oft líð­ur henni eins og fólki hefði þótt það auð­veld­ara ef hún hefði ekki lif­að slys­ið af.

Mest lesið í mánuðinum

Nýtt efni

Reykjavík yfir landsmeðaltali í PISA en Reykjanesbær undir á öllum sviðum
InnlentNiðurstöður PISA

Reykja­vík yf­ir lands­með­al­tali í PISA en Reykja­nes­bær und­ir á öll­um svið­um

Mennta­mála­ráðu­neyt­ið hef­ur birt nið­ur­brot á nið­ur­stöð­um PISA eft­ir sveit­ar­fé­lög­um. Mun­ur á frammi­stöðu nem­enda í stærstu sveit­ar­fé­lög­um lands­ins minnk­ar þeg­ar tek­ið er til­lit til bak­grunns þeirra. Reykja­vík helst þó yf­ir lands­með­al­tali í vís­ind­um, stærð­fræðilæsi og lesskiln­ingi en Reykja­nes­bær und­ir á öll­um þrem­ur svið­um.

Mest lesið undanfarið ár