Þessi grein birtist fyrir meira en ári.

Leigufélagið Alma stærir sig af samfélagslegri ábyrgð og segir ávinning hluthafa og almennings fara saman

Í nýj­um árs­reikn­ingi Leigu­fé­lags­ins Ölmu svar­ar fé­lag­ið fyr­ir leigu­verðs­hækk­an­ir sín­ar. Fé­lag­ið und­ir­strik­ar að það sé sam­fé­lags­lega ábyrgt og rök­styð­ur að hækk­an­ir leigu­verðs séu stund­um bæði eðli­leg­ar og óhjá­kvæmi­leg­ar. Fé­lag­ið hef­ur ver­ið harð­lega gagn­rýnt fyr­ir ok­ur.

Leigufélagið Alma stærir sig af samfélagslegri ábyrgð og segir ávinning hluthafa og almennings fara saman
Segjast ástunda samfélagslega ábyrgð Alma leigufélag segir í ársreikningi sínum ástunda samfélagslega ábyrgð í rekstri sínum og segist vilja vera í fararbroddi við að búa til heilbrigðan leigumarkað á íslandi. Eigendur Ölmu eru systkinin í Mata, Guðný Edda, Gunnar Þór, Eggert Árni og Halldór Páll Gíslabörn. Bræðurnir þrír sjást hér á mynd.

Leigufélagið Alma stærir sig af „samfélagslegri ábyrgð sinni og segist vilja vera í fararbroddi við það að búa til heilbrigðan og faglegan leigumarkað hér á landi. Þetta kemur fram í ársreikningi félagsins sem samþykktur var af stjórn félagsins og birtur í gær. Þá telur félagið að ávinningur samfélagsins af starfsemi Ölmu fari saman við ávinning hluthafa af félaginu.

Um þetta segir í ársreikningnum: „Alma vill vera í fararbroddi við mótun á heilbrigðum og faglegum leigumarkaði á Íslandi. Með því að hafa samfélagslega ábyrgð að leiðarljósi skapast ávinningur fyrir samfélagið, viðskiptavini og hluthafa félagsins. 

Alma er annað stærsta leigufélag landsins, á eftir Heimstaden, og er með um 1100 íbúðir í útleigu og er stöðugt að bæta við sig nýjum eignum. 

Félagið hagnaðist um tæplega 5,4 milljarða króna í fyrra, samkvæmt ársreikningnum, en þær hækkanir má að hluta rekja til bókfærðrar hækkunar á verðmæti fasteigna Ölmu. Eignirnar hækkuðu um 8,3 milljarða króna á milli ára.

Rekstarhagnaður af starfsemi Ölmu, útleigu á íbúðum, var hins vegar einnig góður og nam tæplega 3,2 milljörðum króna fyrir matsbreytingu og afskriftir. Kjarnarekstur Ölmu stendur því traustum fótum og þegar hækkanir á verðmæti fasteigna félagsins er lagður saman við, eins og Alma gerir á hverju ári, þá verður hagnaðurinn ennþá meiri. 

Eigið fé Ölmu - eignir mínus skuldir - var í lok árs í fyrra rúmlega 32 milljarðar króna og hækkaði um rúma 5 milljarða á milli ára. 

„Til að koma til móts við þá gagnrýni breytti félagið verklagi sínu.“
Úr ársreikningi Ölmu leigufélags

Hörð gagnrýni á Ölmu

Alma var í lok árs í fyrra harðlega gagnrýnd fyrir snarpar hækkanir á leiguverði viðskiptavina félagsins.

Manneskjan á bak við þá umfjöllun fjölmiðla var Brynja Bjarnadóttir, öryrki á sjötugsaldri, sem var tilkynnt um að leigan hjá henni myndi hækka um 30 prósent um áramótin. Alma reyndi að rökstyðja hækkunina á leigu Brynju með því að segja að hækkunin hjá henni endurspeglaði ekki almennar hækkanir. Gögn sem Stundin, sem í dag heitir Heimildin eftir sameiningu við Kjarnann, hafði undir höndum sýndu hins vegar fram á að fyrirtækið hafði verið að hækka leiguna hjá mörgum viðskiptavinum sínum um 20 til 30 prósent allt síðasta ár. 

Í yfirlýsingu vegna máls Brynju sagði Alma að félagið hefði þurft að hækka leiguna hjá fólki vegna efnahagsástandsins: „Í ljósi núverandi efnahagsástands er Alma nauðbeygð til að hækka leiguverð á þeim samningum sem eru að renna út.“

Eignarhaldið og hluti fjármögnunar á fyrirtækjasamstæðu eigenda Ölmu, Mata-systkinanna svokölluðu, var svo rakið til lágskattasvæða en þau hafa lengi notast við Möltu í viðskiptum sínum. 

Í kjölfarið var svo greint frá því að Alma ætlaði sér að hækka leiguna hjá úkraínskum flóttamönnum í fjölbýlishúsi Garðabæ um allt að 114 prósent nú í apríl.   Alma keypti blokkina sem flóttamennirnir búa í síðasta vor og var gerður eins árs leigusamningur við góðagerðasamtök sem leigðu Úkraínamönnunum íbúðirnar langt undir markaðsvirði. Alma ætlar hins vegar að hækka leiguna þannig að hún endurspegli markaðsvverð.

Ekki liggur enn fyrir hvort flóttamennirnir geti búið áfram í húsinu, segja tveir af þeim við Heimildina, en stjórnvöld í Garðabæ eru að vinna að því að tryggja þeim húsnæði. 

Byrjaði með BrynjuGagnrýnin á Ölmu hófst með frásögn Brynju Bjarnadóttur sem þurfti að flytja vegna þess að Alma hækkaði leiguna hjá henni um 30 prósent um áramótin.

Alma rökstyður hækkanirnar

Í ársreikningi Ölmu rökstyður leigufélagið þá skoðun félagsins að hækkun á leiguverði geti verið bæði eðlilegt og óhjákvæmilegt.  Í ófjárhagslegri upplýsingagjöf í ársreikningnum segir um þetta: „Sveiflur á fasteignamarkaði, fjármagnsmörkuðum og í framboði og eftirspurn eftir leiguhúsnæði geta leitt til sveiflna á leiguverði, sérstaklega þegar til lengri tíma er litið. Það er því eðlilegt og stundum óhjákvæmilegt að breyta leiguverðum til markaðsverðs við endurnýjun leigusamninga.

Í greinum fjölmiðla um Ölmu hefur hins vegar komið fram að leiguhækkanir um 20 til 30 prósent séu miklu hærri en almennar kostnaðarhækkanir Ölmu og því sé órökrétt að vísa til þeirra þegar leiguverðshækkanir eru réttlættar. Hitt stóra leigufélagið á Íslandi hefur ekki verið með eins miklar hækkanir á  leigusamningum sínum.

Ástæðan er sú að flestir leigusamningar félagsins eru ótímabundnir og fylgja bara vísitölu neysluverðs, líkt og Gauti Reynisson, framkvæmdastjóri Heimstaden, hefur sagt: „Þá erum við ekki að lenda í því, eins og Alma, að vera að endurnýja leigusamninga sem eru að renna út. Þannig að undanfarin tvö ár hafa langflestir af okkar leigjendum fært sig yfir í ótímabundna samninga. Þannig að við erum yfirleitt ekki að hækka leiguna. Þegar við leigjum út eignina þá gerum við það á markaðsverði og leigusamningurinn fylgir svo bara verðlagi. Svo, ef allt gengur vel, þá heyrum við ekkert í þér og þú heyrir ekkert í okkur. “

Ekki sambærilegar hækkanirHeimstaden, sem Gauti Reynisson stýrir, hefur ekki hækkað leiguna hjá fólki með sambærilegum hætti og Alma þar sem leigusamningar félagsins eru flestir ótímabundnir.

Alma breytti verklagi í kjölfar gagnrýni

Hvað sem líður réttlætingum Ölmu á hækkun leiguverðsins þá segir félagið jafnframt í ársreikningnum að það hafi komið til móts við þá gagnrýni sem félagið fékk á sig:  „Undir lok árs, þegar félagið hafði tilkynnt um hækkanir á leigu þeirra samninga sem komu til endurnýjunar í janúar og febrúar 2023, kom upp gagnrýni á leiguverðshækkanir félagsins. Til að koma til móts við þá gagnrýni breytti félagið verklagi sínu á þann hátt að takmarka leiguverðshækkanir við endurnýjun samninga við ákveðna krónutölu og að veita viðskiptavinum aukið svigrúm til að framlengja leigusamninga sína til skamms tíma á meðan þeir finna nýtt húsnæði.

Félagið segir líka í ársreikningnum að leiguhækkanir félagsins framan af ári hafi verið bundnar við nýja og endurnýjaða samninga. Þetta er hins vegar annað en félagið sagði þegar það réttlæti hækkanirnar hjá Brynju Bjarnadóttir. Þá sagði félagið að hækkunin hjá henni endurspeglaði ekki almennar hækkanir á leigu hjá félaginu. 

Um þetta segir í ársreikningnum:  „Leiguverð á markaði hækkuðu nokkuð á árinu, sérstaklega samanborið við leiguverð á þeim tíma þegar samfélagslegar takmarkanir voru í gildi á tímum COVID faraldursins. Framan af ári endurspegluðust markaðsleiguhækkanir í leiguverðshækkunum á nýjum og endurnýjuðum leigusamningum félagsins. Í kjölfar innrásar Rússlands í Úkraínu í febrúar 2022 og áhrifa hennar á alþjóðlega orku- og vörumarkaði kom upp umræða á Íslandi um og áhyggjur af hækkandi verðlagi.

Þá segir enn frekar um þetta að félagið hafi tekið þá ákvörðun um mitt ár 2022 að hækka ekki leigusamninga umfram vísitölu neysluverðs út árið.  „Til að koma til móts við viðskiptavini félagsins og sýna gott fordæmi ákvað stjórn Ölmu í maí að endurnýjaðir leigusamningar yrðu ekki hækkaðir umfram hækkun vísitölu neysluverðs út árið.

Um leið og þessu tímabili var lokið, það er að segja í ársbyrjun, hækkaði Alma hins vegar leiguna skarpt, meðal annars hjá Brynju Bjarnadóttur sem þurfti að finna sér nýtt húsnæði sökum þessa. 

Kjósa
16
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Leigufélagið Alma

Leigufélagið Alma vill sækja þriggja milljarða fjármögnun
FréttirLeigufélagið Alma

Leigu­fé­lag­ið Alma vill sækja þriggja millj­arða fjár­mögn­un

Alma leigu­fé­lag held­ur áfram að bjóða fjár­fest­um upp á skulda­bréf og víxla til að fjár­magna fé­lag­ið. Stjórn­ar­formað­ur fé­lags­ins, Gunn­ar Þór Gísla­son, hef­ur sagt að snið­ganga líf­eyr­is­sjóða á fé­lag­inu grafi und­an hús­næð­is­mark­aðn­um en Alma hef­ur reynt að fá þá til að fjár­festa í fé­lag­inu. Formað­ur VR. Ragn­ar Þór Ing­ólfs­son, er á önd­verð­um meiði og seg­ir líf­eyr­is­sjóð­ina eiga að snið­ganga Ölmu.
Saga Olgu: „Mér líður eins og svikara“
VettvangurLeigufélagið Alma

Saga Olgu: „Mér líð­ur eins og svik­ara“

Úkraínsk­ir flótta­menn í hótel­íbúð­um Ölmu við Lind­ar­götu þurfa að flytja út úr þeim í mars. Samn­ing­ur­inn sem gerð­ur var við Ölmu er einn versti og óhag­stæð­asti leigu­samn­ing­ur sem ís­lenska rík­ið hef­ur gert. Í hús­inu búa úkraínsk­ir flótta­menn sem hafa lent sér­stak­lega illa í stríð­inu í Úkraínu. Með­al þeirra eru Olga, sem gat ekki ver­ið við­stödd jarð­ar­för for­eldra sinna vegna flótt­ans og Di­ma, en fjöl­skylda hans hef­ur þrisvar sinn­um þurft að flýja stríðs­átök Rússa.
Þúsund verðtryggðir leigusamningar skila Ölmu 230 milljónum á mánuði
GreiningLeigufélagið Alma

Þús­und verð­tryggð­ir leigu­samn­ing­ar skila Ölmu 230 millj­ón­um á mán­uði

Leigu­fé­lag­ið Alma hef­ur um eitt þús­und heim­ili til út­leigu til ein­stak­linga. Íbúð­irn­ar eru að­al­lega stað­sett­ar á höf­uð­borg­ar­svæð­inu og á Suð­ur­nesj­um; um 800 íbúð­ir. Í hverj­um mán­uði tikka 220 millj­ón­ir inn í kass­ann vegna þess­ara íbúða, auk þess sem virði þeirra hef­ur vax­ið veru­lega á síð­ustu ár­um. Nær all­ir samn­ing­ar Ölmu við ein­stak­linga eru verð­tryggð­ir.
„Það sem er mikilvægast er að við erum öll á lífi“
VettvangurLeigufélagið Alma

„Það sem er mik­il­væg­ast er að við er­um öll á lífi“

Úkraínsku flótta­menn­irn­ir Volody­myr Cherniav­skyi og kona hans, Snizh­ana Prozhoha, búa ásamt tveim­ur dætr­um sín­um í íbúð á efstu hæð­inni í blokk leigu­fé­lags­ins Ölmu í Urriða­holts­stræti í Garða­bæ. Fjöl­skyld­an flutti til Ís­lands í mars í fyrra eft­ir að rúss­neski her­inn réðst inn í Úkraínu. Þau flúðu frá Kiev land­leið­ina til borg­ar­inn­ar Lviv í vest­ur­hluta lands­ins og komu sér það­an yf­ir til Pól­lands og svo til Ís­lands. Ljós­mynd­ari Heim­ild­ar­inn­ar fékk að fylgj­ast með þeim í leik og starfi í nokk­ur skipti í byrj­un janú­ar og kynn­ast lífi þeirra á Ís­landi.

Mest lesið

Logos fékk 30 milljónir frá Bankasýslunni eftir að ákveðið var að leggja hana niður
1
Greining

Logos fékk 30 millj­ón­ir frá Banka­sýsl­unni eft­ir að ákveð­ið var að leggja hana nið­ur

Síð­an að til­kynnt var að leggja ætti nið­ur Banka­sýslu rík­is­ins og fram að síð­ustu ára­mót­um þá keypti stofn­un­in þjón­ustu fyr­ir 57,4 millj­ón­ir króna. Fyrr á þessu ári kom fram að hún gæti ekki svar­að því nema að hluta af hverj­um hún keypti þessa þjón­ustu. Nú hafa borist svör um að Logos hafi feng­ið stærst­an hluta en Banka­sýsl­an get­ur enn ekki gert grein fyr­ir allri upp­hæð­inni.
„Má hann ekki njóta þess sem hann á eftir hamingjusamur hér?“
9
FréttirFlóttamenn

„Má hann ekki njóta þess sem hann á eft­ir ham­ingju­sam­ur hér?“

Mót­mæli gegn brott­vís­un hins ell­efu ára gamla Yaz­ans Tamim­is á Aust­ur­velli eru síð­asta von hans og for­eldra hans, seg­ir vin­kona fjöl­skyld­unn­ar. Hún seg­ir mót­mæl­in tæki­færi til þess að sýna Yaz­an „að það er fólk sem vill hafa hann hérna, hann er ekki einn.“ Þing­mað­ur spyr hvort ís­lensk stjórn­völd vilji raun­veru­lega vera ábyrg fyr­ir því að stytta líf drengs­ins.

Mest lesið

Mest lesið í vikunni

Tvíburasystur óléttar samtímis: „Þetta er draumurinn“
1
Viðtal

Tví­bura­syst­ur ólétt­ar sam­tím­is: „Þetta er draum­ur­inn“

Tví­bur­ar, sem lík­lega eru eineggja, gengu sam­tals í gegn­um þrjú fóst­ur­lát á inn­an við ári og voru um tíma óviss­ar um að þeim tæk­ist nokk­urn tím­ann að eign­ast börn. En nú hef­ur birt til og þær eiga von á börn­um með tæp­lega tveggja mán­aða milli­bili. Gen barn­anna verða lík­lega eins lík og hálf­systkina vegna mik­illa lík­inda með genum mæðr­anna.
Running Tide og ráðherrarnir - Koma af fjöllum um eftirlitsleysið
2
FréttirRunning Tide

Runn­ing Tide og ráð­herr­arn­ir - Koma af fjöll­um um eft­ir­lits­leys­ið

Blaða­menn Heim­ild­ar­inn­ar tóku við­töl við þrjá ráð­herra um að­komu þeirra að því að Runn­ing Tide fékk leyfi stjórn­valda til starf­semi á Ís­landi. Um­hverf­is­ráð­herra sagði ein­ung­is hafa haft full­yrð­ing­ar for­svars­manna fyr­ir­tæk­is­ins fyr­ir því að starf­sem­in væri „stærsta ein­staka kol­efn­is­föng­un­ar­verk­efni í heimi“. Ut­an­rík­is­ráð­herra seg­ist ekki geta svar­að því hvort hún hafi skap­að for­dæmi sem leyfi nú að af­gangstimbri verði hent í sjó­inn í stór­um stíl.
Running Tide hætt starfsemi í Bandaríkjunum
6
FréttirRunning Tide

Runn­ing Tide hætt starf­semi í Banda­ríkj­un­um

Marty Od­lin, stofn­andi og for­stjóri Runn­ing Tide í Banda­ríkj­un­um, hef­ur til­kynnt að starf­semi fyr­ir­tæk­is­ins hafi ver­ið lögð nið­ur. Sömu sögu er að segja af dótt­ur­fé­lagi þess á Akra­nesi. Í nýj­asta tölu­blaði Heim­ild­ar­inn­ar var fjall­að um að­gerð­ir Runn­ing Tide hér á landi. Þær fólust í því að henda kanadísku timb­urk­urli í haf­ið inn­an lög­sögu Ís­lands.
Elkem brennir trjákurli Running Tide - Eignir á brunaútsölu
7
FréttirRunning Tide

Elkem brenn­ir trják­urli Runn­ing Tide - Eign­ir á bruna­út­sölu

Fjall af trják­urli sem Runn­ing Tide skil­ur eft­ir sig á Grund­ar­tanga verð­ur brennt til að knýja málmblendi Elkem. Kurlið auk 300 tonna af kalk­steins­dufti í sekkj­um og fær­an­leg steypu­stöð voru aug­lýst til sölu um helg­ina eft­ir að Runn­ing Tide hætti skyndi­lega allri starf­semi hér á landi og í Banda­ríkj­un­um. Fyr­ir­tæk­ið skol­aði 20 þús­und tonn­um af trják­urli í sjó­inn í fyrra og sagð­ist binda kol­efni. „Bull“ og „fár­an­leiki“ til þess gerð­ur að græða pen­inga, sögðu vís­inda­menn.
„Ég hef miklu meiri áhyggjur af vinstrinu á Íslandi heldur en VG“
8
FréttirRíkisstjórn Katrínar Jakobsdóttur

„Ég hef miklu meiri áhyggj­ur af vinstr­inu á Ís­landi held­ur en VG“

Drífa Snæ­dal sagði eft­ir­minni­lega ár­ið 2017 að það yrði „eins og að éta skít í heilt kjör­tíma­bil“ fyr­ir Vinstri græn að fara í rík­is­stjórn­ar­sam­starf með Sjálf­stæð­is­flokkn­um. Staða henn­ar gamla flokks í dag kem­ur henni ekki á óvart. „Fyr­ir vinstr­ið í fram­tíð­inni þá þarf það nátt­úr­lega að hafa af­leið­ing­ar fyr­ir flokk að miðla mál­um svo hressi­lega að það er ekk­ert eft­ir af hug­sjón­un­um,“ seg­ir Drífa.

Mest lesið í mánuðinum

Auður Jónsdóttir
1
Skoðun

Auður Jónsdóttir

Þið er­uð óvit­ar! ­– hlust­ið á okk­ur

Það er andi elí­tísma í kring­um kosn­inga­bar­áttu Katrín­ar Jak­obs­dótt­ur. Nafn­tog­að­ir lista­menn, áhrifa­fólk í sam­fé­lag­inu og stjórn­mál­um jafnt sem vél­virkj­ar þaul­setn­asta stjórn­mála­flokks lands­ins leggj­ast á eina sveif með henni. Fyr­ir vik­ið eru kosn­ing­arn­ar áhuga­verð fé­lags­fræði­leg stúd­ía af því að í þeim af­hjúp­ast sam­taka­mátt­ur þeirra sem vald og raddsvið hafa – á ólík­um svið­um.
Sökktu kurli og seldu syndaaflausn
2
RannsóknRunning Tide

Sökktu kurli og seldu synda­af­lausn

„Ýttu á takk­ann og bjarg­aðu heim­in­um,“ skrif­ar vís­inda­mað­ur af kald­hæðni er hann bend­ir um­hverf­is­ráðu­neyt­inu á var­úð­ar­orð ut­an úr heimi um að­ferð­ir sem fyr­ir­tæk­ið Runn­ing Tide fékk leyfi stjórn­valda til að prófa í þágu lofts­lags í Ís­lands­höf­um. Að­gerð­irn­ar umbreytt­ust í allt ann­að en lagt var upp með. Þær voru án alls eft­ir­lits og gerðu svo þeg­ar upp var stað­ið lít­ið ef nokk­urt gagn. „Ís­land er fyrsta land­ið í heim­in­um til að búa til kol­efnisein­ing­ar með kol­efn­is­bind­ingu í hafi,“ sagði fram­kvæmda­stjór­inn.
Saga af áralangri vanrækslu og vonleysi: „Þetta heitir Betra líf sko“
7
RannsóknBrostnar vonir á Betra lífi

Saga af ára­langri van­rækslu og von­leysi: „Þetta heit­ir Betra líf sko“

Slökkvi­lið­ið hef­ur sent kæru til lög­reglu á hend­ur Arn­ari Gunn­ari Hjálm­týs­syni fyr­ir að hafa stefnt lífi og heilsu íbúa áfanga­heim­il­is­ins Betra líf í Vatna­görð­um í hættu eft­ir að eld­ur kvikn­aði þar í fe­brú­ar í fyrra. Áfanga­heim­il­ið flutti þá upp í Kópa­vog. Í styrk­umsókn til Reykja­vík­ur fór Arn­ar með rang­færsl­ur en fékk engu að síð­ur rúm­ar 24 millj­ón­ir fyr­ir rekst­ur­inn. Full­trúi fé­lags- og vinnu­mark­aðs­ráðu­neyt­is­ins lýsti áhyggj­um af eit­ur­lyfja­sölu og vændi á einu áfanga­heim­il­inu.
„Hann sagði við mig að ef mér mislíkaði þetta gæti ég bara flutt út“
9
FréttirBrostnar vonir á Betra lífi

„Hann sagði við mig að ef mér mis­lík­aði þetta gæti ég bara flutt út“

Sylwia Burzy­kowska leigði 12 fer­metra her­bergi á áfanga­heim­ili Betra lífs á Kópa­vogs­braut á 140 þús­und krón­ur á mán­uði sem hún þurfti að greiða í reiðu­fé. Hún skrif­aði und­ir ótíma­bund­inn leigu­samn­ing en hafði að­eins bú­ið þar í þrjá mán­uði þeg­ar hús­ið var rif­ið í byrj­un mán­að­ar­ins. Sylwia býr nú í tjaldi.
Tvíburasystur óléttar samtímis: „Þetta er draumurinn“
10
Viðtal

Tví­bura­syst­ur ólétt­ar sam­tím­is: „Þetta er draum­ur­inn“

Tví­bur­ar, sem lík­lega eru eineggja, gengu sam­tals í gegn­um þrjú fóst­ur­lát á inn­an við ári og voru um tíma óviss­ar um að þeim tæk­ist nokk­urn tím­ann að eign­ast börn. En nú hef­ur birt til og þær eiga von á börn­um með tæp­lega tveggja mán­aða milli­bili. Gen barn­anna verða lík­lega eins lík og hálf­systkina vegna mik­illa lík­inda með genum mæðr­anna.

Mest lesið í mánuðinum

Nýtt efni

Mest lesið undanfarið ár