Fyrri aukaspurning:

Á myndinni hér að ofan er frægt söngpar. Hvað hétu þau? Hafa þarf bæði nöfnin rétt.

***

Aðalspurningar:

1.  Arnes Pálsson hét maður. Hann var um tíma í slagtogi með frægu pari í Íslandssögunni. Hvað hétu þau?

2.  Jules Winnfield og Vincent Vega nefnist heldur ólánlegt par í frægri bandarískri bíómynd frá 1994. Þar eiga þeir langar og ítarlegar samræður um merkisfyrirbæri eins og ostborgara milli þess sem þeir fremja ýmsa glæpi, enda óþokkamenn hinir verstu, þótt klæddir séu afar borgaralegum jakkafötum. Hvað heitir bíómyndin?

3.  En hvaða leikarapar lék þá félaga?

4.  Í hvaða vinsælu íslensku bókum kemur við sögu parið Karólína spákona og vinnudýrið Tommi maðurinn hennar?

5.  Flest líffæri í mannslíkamanum eru ein í sinni röð en fern líffæri koma þó í pörum. (Hér eru augu og eyru ekki talin með  þó strangt til tekið teljist þau líka líffæri.) Þar af eru tvenn sem allir menn hafa, óháð kyni. Hver eru þau?

6.  En hver eru hin pörin tvö?

7.   Sanjó Pansa var helmingur af frægu pari í heimsbókmenntunum. Hver var hinn?

8.  Hvað þýðir par í golfi?

9.  Hvaða hönd í póker er næst fyrir ofan „par“ að styrkleika?

10.  Þeir Adam Clayton og Larry Mullen mynda hrynparið (bassa og trommur) í frægri rokkhljómsveit. Hvað heitir hljómsveitin?

***

Seinni aukaspurning:

Hvaða dýr eru þetta?

***

Svör við aðalspurningum:

1.  Eyvindur og Halla.

2.  Pulp Fiction.

3.  John Travolta og Samuel L. Jackson léku félagana.

Vincent Vega og Jules Winnfield

4.  Eyjabókum Einars Kárasonar.

5.  Nýru og lungu.

6.  Eistu og eggjastokkar.

7.   Don Kíkóti.

8.  Sá höggafjöldi sem stjórnendur golfvallar hafa ákveðið fyrirfram að góður golfleikari ætti að ná við hverja holu.

9.  Tvö pör.

10.  U2.

***

Svör við aukaspurningum:

Á efri mynd eru Ellý Vilhjálms og Ragnar Bjarnason.

Á neðri myndinni eru ljón.