Fyrri aukaspurning:

Hluti af plakati hvaða bíómyndar má sjá hér að ofan?

***

Aðalspurningar:

1.  Hver orti: „Mjög erum tregt tungu at hræra ...“ — Svo er lárviðarstig með eikarlaufum og stjörnu fyrir að muna næstu þrjú orð kvæðisins.

2.  En hver telja flestir að sé höfundur þessa: „Þó að kali heitan hver, / hylji dali jökull ber, / steinar tali og allt hvað er, / aldrei skal ég gleyma þér.“

3. Hvaða leikkona leikur aðalhlutverkið í myndinni Napóleonsskjölin?

4. Árið 1997 var hinn frægi Hamlet á fjölum Þjóðleikhússins. Hlutverkið lék tæplega þrítugur leikari sem hafði unnið hvern leiksigurinn af öðrum árin á undan og hefur síðan haldið stöðu sinni sem einn vinsælasti karlleikari þjóðarinnar. Hann heitir ... hvað?

5. Á miðöldum þurfti fólk í Evrópu að ganga með klingjandi bjöllu á sér ef það þjáðist af ákveðnum sjúkdómi til að vara heilbrigt fólk við. Hvaða sjúkdómur var talinn svo hættulegur?

6.  Í hvaða landi er Sixtínska kapellan?

7.  Í hvaða trúarbrögðum er Bodhi-tréð sagt heilagt?

8.  Ferruccio Lamborghini (1916-1993) hét ítalskur athafnamaður sem varð frægur fyrir að framleiða tiltekna vöru sem þótti og þykir enn einkar vönduð. Hvaða vara er það?

9. Lamborghini gat farið að einbeita sér að fyrrnefndum fína varningi eftir að komið vel undir sig fótunum með því að framleiða skylda en þó allt öðruvísi vöru. Segjum "groddalegri" þó það sé ekki endilega rétt lýsing á hinum dugmikla varningi. Hverjar voru þessar fyrstu framleiðsluvörur Lamborghinis?

10.  Hvað heitir söngkonan sem vann Idol Stjörnuleit á Stöð 2 fyrir fáeinum vikum?

***

Seinni aukaspurning:

Hvaða hljómsveit má sjá hér? Myndin er frá 2000.

***

Svör við aðalspurningum:

1.  Egill Skallagrímsson orti, eða einhver í hans stað. Næstu þrjú orð eru: „... eða loftvætt ljóðpundara.“ Sumir hafa lært "loftvægi" í stað "loftvætt" og ég gef rétt fyrir það líka!

2.  Skáld-Rósa, Vatnsenda-Rósa.

3.  Vivian Ólafsdóttir.

4.  Hilmir Snær.

5.  Holdsveiki.

6. Vatíkaninu.

7.  Búddisma.

8.  Sportbílar.

9.  Traktorar.

10.  Saga Matthildur.

***

Svör við aðaspurningum:

Skjáskotið er af plakati myndarinnar Alien.

Athugið að „Aliens“ er að sjálfsögðu alvitlaust svar!

Neðri myndin er af XXX Rottweilerhundum.