Þessi þemaþraut snýst um töluna 40.

Fyrri aukaspurning:

Konan á myndinni hér að ofan myndi halda upp á 40 ára afmæli sitt í september ef hún væri enn á meðal vor. Hún hét ...

***

Aðalspurningar:

1.  Fyrir 40 árum fékk Pólverji einn friðarverðlaun Nóbels. Hvað heitir hann?

2.  Hvað gerðist fréttnæmast á Íslandi þann 10. maí 1940?

3.  Fyrir réttum 40 árum fór blað eitt að koma út á íslensku. Fram að því höfðu landsmenn helst þekkt það á dönsku. Hvaða blað var það?

4.  Borgarnes, Grindavík, Hveragerði, Sandgerði og Þorlákshöfn.  Þessir þéttbýlisstaðir eru allir í 40 kílómetra fjarlægð frá miðbæ Reykjavíkur og er þá miðað við beina loftlínu. Og þó — einn þessara staða er ögn lengra frá miðbæ Reyjavíkur en hinir, eða 44-45 kílómetra. Hver af stöðunum fimm ætli það sé?

5.  Mikið uppistand varð fyrir 40 árum þegar breska blaðið The Times tilkynnti að það hefði komist yfir dagbækur frægs einstakings sem enginn vissi til hefði haldið dagbækur. Þetta varð mikil sneypuför fyrir blaðið því sérfræðingar sáu strax í hendi sér að dagbækurnar voru falsaðar. En hver var frægi einstaklingurinn sem átti að hafa haldið dagbækurnar?

6.  Hvað nefnist 40 ára brúðkaupsafmæli: a) Perlubrúðkaup — b) Postulínsbrúðkaup — c) Rúbínbrúðkaup — d) Sykurbrúðkaup — e) Tinbrúðkaup?

7.  Fyrir réttum 40 árum var frumsýnd 3ja kvikmyndin í myndaröðinni Star Wars. Hvað hét sú mynd?

8.  Vinsælasta íslenska kvikmyndin fyrir 40 árum var hrollvekja sem Egill Eðvarðsson leikstýrði og þau Lilja Þórisdóttir og Jóhann Sigurðarson léku aðalhlutverk í. Hvað hét myndin?

9.  Hver var fertugasti forseti Bandaríkjanna: a) Franklin Roosevelt — b) John F. Kennedy — c) Ronald Reagan — d) Barack Obama? (Athugið að einn forsetinn á 19. öld, sem varð forseti tvívegis, er hér talinn tvisvar eins og títt er vestanhafs.)

10.  Fyrir réttum 40 árum, 1983, gaf efnileg rokkhljómsveit út plötu sem sló rækilega í gegn. Síðasta lagið á plötunni hét einmitt 40 — en er reyndar oft kallað How Long. Hvaða hljómsveit var þetta?

***

Seinni aukaspurning:

Hún heldur upp á fertugsafmælið sitt á morgun. Hún heitir ... hvað?

***

Svör við aðalspurningum:

1.  Wałęsa.

2.  Innrás Breta á Ísland.

3.  Andrés Önd.

4.  Borgarnes.

5.  Hitler.

6.  Rúbinbrúðkaup.

7.  Return of the Jedi.

8.  Húsið.

9.  Reagan.

10.  U2. Hér er lagið:

***

Svör við aukaspurningum:

Á efri myndinni er Amy Winehouse.

Á neðri myndinni er Björt Ólafsdóttir fyrrum þingmaður og ráðherra.