Þessi grein birtist fyrir meira en 2 árum.

Dreymt og ælt

Doktor Gunni er mætt­ur til leiks og skrif­ar um tónlist.

Dreymt og ælt
Tónlist

Ekki treysta fisk­un­um

Gefðu umsögn

Ein alskemmtilegasta plata síðasta árs er þessi önnur útgáfa Ólafs Kram. Ólafur er ekki einhver sérvitur tónlistarsnillingur úti í bæ, heldur fimm manna hljómsveit frá Reykjavík sem nefnir sig afturábak eftir leikaranum Mark Rufalo. Ólafur hefur verið á mikilli uppleið síðan 2019 þegar sveitin varð til (annaðhvort í Vesturbænum eða MH leyfi ég mér að álykta). Eftir sigur í Músíktilraunum 2021 kom hin fína sex laga plata Nefrennsli / Kossaflens, sem er gefin út af spútnikmerkinu Post-dreifingu. Í október í fyrra kom svo þessi ellefu laga gleðihlunkur sem stimplar Ólaf inn sem eina athyglisverðustu hljómsveit nútímans hérlendis.

Það er margt frábært við Ólaf Kram, en náttúrlega það besta er að lögin eru flest skemmtileg, frekar auðmelt og gáfuleg. Það er sungið á íslensku og tónlistin er á vissan hátt gamalt vín á nýjum belgjum, þótt sætur keimur nýjabrumsins og ferska blóðsins sé alltaf það fyrsta sem grípur hlustandann. Ólafur sækir bæði í Sjöuna og Áttuna og auðveldasta útskýringin væri að segja að útkoman sé eins og ef Grýlurnar, Risaeðlan og Spilverkið væru sett í kokteilhristara með dassi af óhefluðum töffaraskap pönksins. Það eru fjórar stelpur í Ólafi, en á bak við trommusettið hírist fúlskeggjaður karlmaður, Sævar Andri Sigurðsson, sem hefur komið víða við, m.a. trommað með Skoffín. Stelpurnar spila á gítar (Eydís Egilsdóttir Kvaran), bassa (Guðný Margrét Eyjólfsdóttir), hljómborð (Iðunn Gígja Kristjánsdóttir) og trompet (Birgitta Björg Guðmarsdóttir) og syngja allar, einar eða saman.

Þetta er vel æft og spilandi band, dúndurskemmtilegt á tónleikum, enda eflaust óteljandi æfingatímar að baki. Það er bullandi metnaður í upptökunum sem sveitin gerði með Árna Hjörvari stórsnillingi. Grunnar eru þéttir og nettir, álegg glettið og spennandi, smáatriði mörg og hljóðrænar krúsídúllur skemmtilegar. Fáar hljómsveitir nú leggja jafnmikið upp úr röddunum. Raddpælingarnar eru frískar enda stelpurnar allar ljómandi góðar söngkonur og samsöngur til mikillar fyrirmyndar.

Lögin eru misgóð eins og gengur, en frábæra deildin er mun fyrirferðarmeiri en sú lakari. Aumingja Þuríður heitir helsti hittari plötunnar, geggjað stuðlag um ræfilinn hana Þuríði sem fer í sparifötin og ælir í klósettið. Sjaldan hefur verið sungið jafnskemmtilega um sukk ungmenna, sem er eins konar skylda á ákveðnu tímabili í okkar sukkaða samfélagi – okkar herskylda, ööö, sukkskylda. Vitanlega er nokkuð um feminískar áherslur. Opnunarlagið, hið fína Hótun, tekur á hrútskýringum og í þéttrokkaranum Gullinsnið er sungið um hinn klassíska gúmmítöffara (sem við getum gefið okkur að sé í Versló og eigi heima í fínu hverfi í Garðabæ). Í enda lagsins bregður fyrir óvæntum karlakór, nett trix sem magnar upp hrútalykt í nokkrar sekúndur. Í laginu Listasögu er ónefnd öruggari systir aumingja Þuríðar komin út á lífið, pælandi í strákum – „Er ég ástfangin eða bara gröð“, spyr hún sig og hlustandinn sperrir eyrun, enda hefur dægurlagasöngkona ekki játað á sig greddu fyrr á Íslandi (svo ég muni að minnsta kosti). Frakkt og feminískt.

Nokkur lög eru ekki jafnmikið með báða fætur á jörðinni, heldur í einhvers konar ævintýra-nýbylgju-anda og þá jafnan hægari og dreymnari. Af þessum eru hið seigfljótandi og dularfulla Silkiþræðir best, en Kóngur á þurru landi er líka flott og inniheldur titil plötunnar, Ekki treysta fiskunum. Ég veit ekkert hvað er verið að syngja um þar – alelda sækú?

Þegar þetta er skrifað er platan aðeins aðgengileg á streymisveitum, en vonandi er von á vínylplötu. Fyrri platan kom út á vínyl, svo það má gefa sér að þessi geri það líka. Ekki væri verra að það væri textablað svo þetta með alelda sækúna verði skýrara. Ekki treysta fiskunum er listaverk sem maður verður að geta handleikið. Mjög gott stöff.


Ólafur Kram - Ekki treysta fiskunum
Útgefandi: Fjárhagslegt öryggi sf.
Kjósa
4
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Hélt að hún myndi höndla álagið betur
1
ViðtalÍ leikskóla er álag

Hélt að hún myndi höndla álag­ið bet­ur

Að vinna með börn­um er það skemmti­leg­asta sem Gunn­hild­ur Gunn­ars­dótt­ir barna­sál­fræð­ing­ur ger­ir. Þeg­ar hún tók að sér tíma­bund­ið starf á leik­skóla til að tryggja syni sín­um leik­skóla­pláss hélt hún að hún myndi höndla álag­ið en það kom henni á óvart hversu krefj­andi starfs­um­hverf­ið er. „Stund­um þeg­ar ég kom heim eft­ir lang­an dag vildi ég bara að eng­inn tal­aði við mig, ég var svo ótrú­lega þreytt.“
Aðalsteinn Kjartansson
4
Leiðari

Aðalsteinn Kjartansson

Að teygja sig of langt

Á sama tíma og ann­ars stað­ar er reynt að verja fjöl­miðla, vill formað­ur stjórn­skip­un­ar- og eft­ir­lits­nefnd­ar að þing­menn rann­saki þá. Ekki dug­ir þriggja ára rann­sókn lög­regl­unn­ar sem leiddi ekk­ert ann­að í ljós en það að rétt var haft eft­ir þeim sem lýstu sér sem „skæru­liða­deild“ Sam­herja, þeg­ar það tal­aði frjáls­lega um að ná sér nið­ur á þeim sem ljóstr­aði upp um stór­felld­ar mútu­greiðsl­ur út­gerð­ar­inn­ar.
Ísland vaknar
6
GreiningÓgnir Íslands

Ís­land vakn­ar

Ís­land stend­ur frammi fyr­ir breyttu lands­lagi í ör­ygg­is- og varn­ar­mál­um. Ut­an­rík­is­ráð­herra kynnti í vik­unni til­lögu að mót­un varn­ar­stefnu sem mið­ar að því að greina ógn­ir og varn­ar­bún­að. Gagn­rýn­end­ur telja stjórn­völd hafa van­rækt varn­ar­mál­in og ekki lag­að stefn­una að breytt­um veru­leika. Pró­fess­or sagði fyr­ir þrem­ur ár­um: „Þyrnirós svaf í heila öld: Hversu lengi ætl­um við að sofa á verð­in­um?“

Mest lesið

Mest lesið í vikunni

Hélt að hún myndi höndla álagið betur
3
ViðtalÍ leikskóla er álag

Hélt að hún myndi höndla álag­ið bet­ur

Að vinna með börn­um er það skemmti­leg­asta sem Gunn­hild­ur Gunn­ars­dótt­ir barna­sál­fræð­ing­ur ger­ir. Þeg­ar hún tók að sér tíma­bund­ið starf á leik­skóla til að tryggja syni sín­um leik­skóla­pláss hélt hún að hún myndi höndla álag­ið en það kom henni á óvart hversu krefj­andi starfs­um­hverf­ið er. „Stund­um þeg­ar ég kom heim eft­ir lang­an dag vildi ég bara að eng­inn tal­aði við mig, ég var svo ótrú­lega þreytt.“
Síðasta hálmstráið að vinna á leikskóla — en dýrmætt
5
FréttirÍ leikskóla er álag

Síð­asta hálmstrá­ið að vinna á leik­skóla — en dýr­mætt

Vil­hjálm­ur Þór Svans­son, lög­fræð­ing­ur og starfs­mað­ur á leik­skól­an­um Nóa­borg, bjóst ekki við að hefja störf á leik­skóla til að koma dótt­ur sinni að á leik­skóla. Hann seg­ir það hollt fyr­ir for­eldra að stíga að­eins út fyr­ir þæg­ind­aramm­ann og dýr­mætt að fylgj­ast með dætr­um sín­um vaxa og dafna í leik­skóla­starf­inu.

Mest lesið í mánuðinum

Einn og hálfur tími á bráðamóttöku: Sjálfsskaði, hjartastopp og hnífstunga
6
Á vettvangi

Einn og hálf­ur tími á bráða­mót­töku: Sjálfsskaði, hjarta­stopp og hnífstunga

Eitt orð má aldrei nota á bráða­mót­töku Land­spít­al­ans og það er orð­ið ró­legt. Nán­ast um leið og Jón Ragn­ar Jóns­son bráða­lækn­ir hef­ur orð á að það sé óvenju ró­legt á næt­ur­vakt eina helg­ina dynja áföll­in á. Hann hef­ur rétt kom­ið manni til lífs þeg­ar neyð­ar­bjall­an hring­ir á ný. Síð­an end­ur­tek­ur sama sag­an sig.

Mest lesið í mánuðinum

Nýtt efni

Mest lesið undanfarið ár