Fyrri aukaspurning:

Hvað heitir litli ljósálfurinn á myndinni hér að ofan?

***

Aðalspurningar:

1.  Hvaða bókstafur er alþjóðlegt tákn fyrir súrefni?

2.  Hvað hét frægasti kvikmyndaleikstjóri Svía á 20. öld?

3.  Hvaða hljómsveit sendi fyrir rúmri hálfri öld frá sér plötuna Let It Be?

4.  Mandarínur eru tilteknir ávextir kallaðir. Til hvaða lands vísar heiti þeirra?

5.  Bræðurnir Unnsteinn Manuel og Logi Pedro Stefánssynir hafa sett mikinn svip á íslenskt tónlistarlíf og raunar komið víðar við. Faðir piltanna er upprunninn á Íslandi en móðir þeirra í tilteknu Afríkuríki með viðkomu í Portúgal. Hvaða Afríkuríki?

6. Hvaða íslenska söngkona hefur öðlast gífurlegar vinsældir t.d. á streymisveitunni Spotify fyrir Barnavísur, Vögguvísur og fleiri plötur?

7.  Land eitt er tíu sinnum stærra en Ísland en þar er samt bara ein alvöru á. Nokkrar þverár falla að vísu í hana en þær eru árstíðabundnar og þorna upp stóra hluta ársins. Hvaða land er þetta?

8.  Og hvað heitir þessi eina á landsins?

9.  Hvað hét íslenski sýslumaðurinn sem barg sér á sundi 1899 eftir að hafa gert tilraun til að taka breskan landhelgisbrjót í íslenskum firði en bát sýslumanns var þá hvolft af togaramönnum?

10.  Í hvaða firði gerðist þetta? Og svo er lárviðarstig með eikarlaufum fyrir svarið við þessari erfiðu aukaspurningu: Hvað hét togarinn?

***

Seinni aukaspurning:

Hvað heitir reiði álfakóngurinn á myndinni hér að neðan?

***

Svör við aðalspurningum:

1.  O.

2.  Ingmar Bergman.

3.  Bítlarnir.

4.  Kína.

5.  Angóla.

6.  Hafdís Huld.

7.  Egiftaland.

8.  Níl.

9.  Hannes Hafstein.

10.  Þetta gerðist í Dýrafirði og togarinn hét Royalist.

***

Svör við aukaspurningum:

Á efri mynd er Dísa ljósálfur.

Á neðri mynd er Alfinnur álfakóngur.