Lesandi getur auð­veld­lega látið það fara fram hjá sér hversu snjall tit­ill þess­arar litlu kvæða­bókar Þórarins Eldjárns er. „Allt og sumt“ er orða­leppur sem við notum umhugs­un­ar­laust um hluti sem okkur þykja kannski ekki merki­legir. Við segjum „er þetta þá allt og sumt?“ Eflaust tengja ein­hverjir les­endur þessi orð líka við gam­alt barna­kvæði eftir Þórarin um þá kump­ána Sögul og Þögul sem birt­ist í fyrstu barna­ljóða­bók hans, Óðflugu, sem kom út fyrir einum þrjá­tíu árum og hefur skemmt kyn­slóðum les­enda síðan. En ef tit­ill­inn er lesin hægt og af nokk­urri íhygli kemur í ljós að hann leynir á sér. Hann birt­ist í loka­ljóði bók­ar­innar:

Ég hef ort heitt og kalt,
um hátt og lágt – sprækt, hrumt.
Ort hef ég um allt
en þó mest um sumt.

Þetta er veru­lega snjöll vísa, ekki ein­ungis tekur skáldið gam­al­kunn­ugt orða­til­tæki í sundur og sýnir okkur það í nýju ljósi heldur …