Ráðist verður í upp­sagnir starfs­fólks hjá fjöl­miðla- og fjar­skipta­fyr­ir­tæk­inu Sýn í dag. Þetta kemur fram í til­kynn­ingu til Kaup­hall­ar­innar, þar sem greint er frá nýsam­þykktu skipu­lagi fyr­ir­tæk­is­ins. Skipta á því upp í fjórar ein­ingar; kjarna­ein­ingar um fjar­skipti ann­ars vegar og fjöl­miðla hins vegar og svo rekstr­ar­ein­ingar sem sjá um inn­viði og þjón­ustu í rekstri upp­lýs­inga­kerfa. 

Í til­kynn­ing­unni segir að með nýju skipu­lagi verði aukin áhersla á skil­virkni í rekstri og því muni stöðu­gildum sam­stæð­unnar fækka í dag. Þetta á að skila 650 millj­óna króna sparn­aði á ári, þó aðgerðin sjálf feli í sér 150 millj­óna króna kostnað. „Jákvæðra áhrifa mun fyrst gæta í afkomu fyrsta árs­fjórð­ungs 2023,“ segir í til­kynn­ing­unni. 

Ekki kemur fram hversu mörgum starfs­mönnum verður sagt upp né af hvaða sviðum. 

Sókn nýskipu­lagðs fyr­ir­tækis verður þó und­ir­búin með ráðn­ingum: nýrra fram­kvæmda­stjóra. „Á næst­unni verður ráðið í nýtt starf, fram­kvæmda­stjóra Vodafone - Fjar­skipta, þar sem áherslan verður m.a. …