Fyrri aukaspurning:

Hvers konar dýr má sjá á myndinni hér að ofan?

***

Aðalspurningar:

1.  Árið 1929 var nýr stjórnmálaflokkur stofnaður á Íslandi þegar tveir flokkar á þingi runnu saman. Hvað var hinn nýi flokkur kallaður?

2.  Og hvað hét fyrsti formaður þessa nýja flokks?

3.  Tígraí heitir hérað eitt í tilteknu ríki. Þar var fyrir fáeinum árum gerð uppreisn gegn stjórnvöldum í landinu en hún koðnaði niður — í bili að minnsta kosti — seint á nýliðnu ári. Hvaða Afríkuríki er hér um að ræða?

4.  Frá hvaða landi kemur hinn eini sanni fetaostur?

5.  Hvernig mjólk er uppistaðan í þeim osti?

6.  Hvaða ríki sprengdi árið 1961 öflugustu kjarnorkusprengju sem sprengd hefur verið?

7.  Sanna Magdalena Mörtudóttir situr í borgarstjórn Reykjavíkur fyrir ... hvaða flokk eða samtök?

8.  Tónlistarmaður vakti fyrst athygli á unga aldri árið 2020 með laginu I'm Not Supposed to Say This. Síðan hefur tónlistarmaðurinn gefið út lög á íslensku, svo sem Röddin í klettunum, Frosið sólarlag og Annar séns. Hvað heitir þessi tónlistarmaður?

9.  Hvað nefnist kastvopn eitt sem er svo lagað að sé því kastað á réttan hátt þá snýr það aftur til þess sem kastaði?

10.  Í hvaða núverandi ríki var kastvopn þetta þróað?

***

Seinni aukaspurning:

Úr hvaða bíómynd frá 1991 er skjáskotið hér að neðan?

***

Svör við aðalspurningum:

1.  Sjálfstæðisflokkurinn.

2.  Jón Þorláksson.

3.  Eþíópíu.

4.  Grikklandi.

5.  Kindamjólk. Þess eru dæmi að geitamjólk sé blandað út í kindamjólkina en kindamjólk er þó eina rétta svarið hér.

6.  Sovétríkin. Rússland dugar að sjálfsögðu ekki.

7.  Sósíalistaflokkinn.

8.  Gugusar — eða Guðlaug Sóley.

9.  Búmerang.

10.  Ástralíu.

***

Svör við aukaspurningum:

Dýrið á efri myndinni er lemúr.

Skjáskotið er úr kvikmyndinni Thelma and Louise.