Vara­for­maður Flokks fólks­ins, Guð­mundur Ingi Krist­ins­son, hefur kallað eftir því að stjórn flokks­ins komi saman til að ræða ásak­anir um niðr­andi fram­komu og kyn­ferð­is­lega áreitni í garð kvenna sem starfa innan flokks­ins á Akureyri. Guð­mundur Ingi segir að það séu ákveðnir trún­að­ar­menn innan flokks­ins sem séu ger­endur í mál­inu en nafn­greinir þá ekki.

„Mér hafa ítrekað borist fregnir af því að kven­leið­togar okkar og sjálf­boða­liðar á Akureyri hafi mátt sæta ótrú­lega niðr­andi og fyr­ir­lit­legri fram­komu,“ skrifar Guð­mundur Ingi á Facebook í morgun. 

Ekki er með öllu ljóst nákvæm­lega hvað það er sem gerst hefur á Akureyri né hver eigi í hlut. Flokk­ur­inn náði góðum árangri í Norð­aust­ur­kjör­dæmi í síð­ustu þing­kosn­ingum þar sem Jakob Frímann Magn­ús­son leiddi flokk­inn. Flokk­ur­inn fékk 8,6 pró­sent atkvæða í kjör­dæm­inu. Flokk­ur­inn hlaut enn meiri stuðn­ing í bæj­ar­stjórn­ar­kosn­ing­unum sem fram fóru á Akureyri í maí, þar sem flokk­ur­inn fékk 12 pró­sent atkvæða og einn bæj­ar­full­trúa; Brynjólf …