Fyrri aukaspurning:

Hvaða bygging er þetta?

***

Aðalspurningar:

1.  Eskilos hét forn-Grikki einn og á sér trausta stöðu í menningarsögu mannkynsins. Hvað gerði Eskilos sér til frægðar?

2.  En auk þess er dánarorsök Eskilosar víðkunn, enda er ekki vitað til þess að nokkur annar maður í heiminum öllum hafi dáið með sama hætti. Þar kemur örn við sögu. Hvernig dó Eskilos?

3.  Guðríður Símonardóttir (1598-1682) var víðförul kona þó ekki kæmi það til af góðu. Hvers vegna lagðist Guðríður í ferðalög?

4.  Eftir að Guðríður sneri heim úr ferðalögum gekk hún að eiga efnilegan pilt. Hvað hét sá?

5.  Nissan-bílar eru upphaflega frá ... Danmörku? — Belgíu — Japan — Þýskalandi?

6.  Helstu trúarbrögðin í Taílandi eru ... hver?

7.  Vigdís Hauksdóttir er stjórnmálamaður, vissulega umdeild nokkuð. Hún lauk lögfræðiprófi en áður hafði hún menntað sig í ... hverju?

8.  Nikótín er öflugt eitur eins og allir vita. En hvaða tilgangi þjónar nikótín í þeim plöntum sem framleiða þetta efni?

9.  Í hvaða landi er borgin Lyon?

10.  Sigurjón Birgir Sigurðsson er kunnur undir öðru nafni. Hvaða nafn er það?

***

Seinni aukaspurning:

Hvað heitir þessi karl?

***

Svör við aðalspurningum:

1.  Hann var leikritaskáld, harmleikjahöfundur. Rithöfundur dugar ekki eitt og sér.

2.  Örn lét skjaldböku detta á höfuðið á honum því fuglinn hélt að skalli hans væri gljáandi steinn, og ætlaði þannig að mölva skel skjaldbökunnar.

3.  Henni var rænt af „Tyrkjum“ og flutt til Norður-Afríku.

4.  Hallgrímur Pétursson.

5.  Japan.

6.  Búddismi.

7.  Garðyrkjufræði, blómaskreytingum.

8.  Nikótín er skordýraeitur plöntunnar.

9.  Frakklandi.

20.  Sjón.

***

Svör við aukaspurningum:

Á efri myndinni er dómkirkja heilags Basils í Moskvu.

Á neðri myndinni er Jóakim prins í Danmörku, síðari sonur Margrétar drottningar.